Van woute(re)n scauwart/ It(em) want woute(r) scauwart inde banc te loven(en) aengesproke(n) hadde/ met den rechte henricke de keghel voir vijftich dordrechtsche scilde/ die hi hem sculd(ich) was alsoe vele myn alse vijfthien pet(er)s die de voirs(creven)/ woute(r) kynde gehave(n) te hebbe(n) van rogie(r) de kater in afslage der voirs(creven)/ schout daer op de voirs(creven) henric meynde dat hi niet ande antw(er)den en/ soude mids dien dat de hi ten versueke van ande(e)n p(ar)tien met der stat/ brieve(n) ingescreve(n) bove(n)? en(de) de he(re)n scepen(en) d(aer) op gemaent hen wel beraden/ wijsde(n) voir een vo(n)nisse dat de voirs(creven) henric antwerden soude ende de/ voirs(creven) henrick ten daghe van rechte niet en qua(m) om te antw(er)den den/ voirs(creven) woute(re)n voir trecht comen(de) en(de) voert vervolghde soe hebben de/ he(re)n scepen(en) ge voert gemaent vande(n) meye(r) gewijst voer een vo(n)nisse/ waer de voirs(creven) henric niet en antwerdt ten opstaen smeyers en(de) der/ scepen(en) dat de voirs(creven) woute(r) den voirgh(enoemde) henricke verreict soude hebbe(n)/ van alsulker aenspraken als hi te hemwert gedaen heeft P(rese)nt(ibus) godef(rido)/ roelofs henr(ico) de borch(oven) walt(ero) ca(pelle)[ma(n)] joh(ann)e de ov(er)wynge walt(er)o smet scab(inis)/ lovan(iensis) feb(ruarii) q(ui)nta