Van meeste(r) henricke baeten en(de)/ vaese van lare/ Het sijn comen in rechte inde banc voir meye(r) en(de) scepen(en) van loven(en)/ meester henric baten in deen zijde en(de) vaes van lae(re) in dande(re) daer de/ voirs(creven) vaes een aensprake dede ten voirs(creven) meester henric w(er)t seggen(de)/ dat hij hem sculdich wae(r) vijf swaer cronen van eene(n) huyse dat/ hij jegen hem gecocht hadde gelegen inde parijsstrate de voirs(creven)/ vaes hoepte [dat] hij hem niet loeghene(n) noch ontkenne(n) en soude beghe(re)nde/ dat hij hem die opleyde en(de) betaelde alsoe hij sculdich wae(r) te/ doen oft dat hij hem daer af betalinge bewijsen soude [want van erflicheide(n) ruerende quame] Daer/ op de voirs(creven) henric antw(er)de en(de) seyde want van erflicheiden rue(re)nde/

quame het wae(re) waer dat hij jegen den voirs(creven) vaese tvoirs(creven) huys/ genome(n) hadde ten erftsijse om viii oude crone(n) en(de) daer af hij t(er)/ stont afquijtte de ii elc crone met xx crone(n) en(de) dander vi crone(n)/ soude hij moege(n) quite(n) als hij woude elken d(enier) met xx pe(n)ningen/ en(de) met vollen tsijse en(de) de voirs(creven) vaes seyde inder comescap dat/ tvoirs(creven) huys gont tsjaers ter hue(re)n ix saluyte en(de) het was inder/ comescap ondersproken dat de voirs(creven) meester henric te kersmisse/ doen naestcomen(de) en(de) nu lestleden de hue(r) heffen soude en(de) dan den/ tsijs vanden huyse betalen en(de) dat de comescap in des(er) vueghen/ geschiede boet de voirs(creven) meester henric te thoene(n) Hij geloefde/ oic wael dat hij hen daer af noch sculdich wae(r) maer dies/ hadde hij v(er)leeght tpontgelt en(de) den lijfcoep woude hij hem de/ hue(r) doen hebben en(de) voldoen gelijc de comescap inhadde hij woude/ met hem reken(en) en(de) hem opleggen gheen datme(n) vonde dat/ hem noch quame Daer op de meye(r) maende de he(re)n scepen(en) van/ loven(en) die wijsden voir een vonnisse want hem meester henric
//
thonisse vermeten hadde dat sij dat begheerden taenhoiren en(de) dae(re)nteynden/ recht Ten dage van thonen thoende de voirs(creven) meester henric de come/ scap alsoe hij hem vermeten hadde met goeden knapen die ov(er) de come/ scap wae(re)n alsoe dat de meye(r) van loven(en) maende voert de he(re)n/ scepen(en) die wijsden voer een vonnisse dat dat de voirs(creven) meester/ henric en(de) vaes malca(n)deren vander voirs(creven) comescap voldoen souden gelijc/ de waerheit gedragen hadde en(de) dat gedaen hadde de voirs(creven) vaes den/ voirs(creven) meester henrike van enegher schout yet aen te spreken dat/ hij dat doen mochte mette(n) rechte cor(am) nycholao kersmake(re) god(efrido) roelofs/ henr(ico) de borch(oven) stephano smacht walt(ero) ca(pelle)[man] joh(ann)es de ov(er)wynge iuniore/ walt(er)o smet scab(inis) lov(aniensibus) m(ar)tii xiiii