Van willem(me) van zurpele/ den jonghen/ Het sijn comen in rechte inde banc voir meye(r) en(de) scepen(en) van loven(e)/ willem van zurpele de jonghe sone willems van zurpele te voe(re)n/ uut sijns vaders broede gedaen die ov(er)midts vonnisse van scepen(en)/ brieven van loven(e) geleit is totden goeden willems robrechs daneels/ en(de) lijsbetten van zurpele kijnde(re) willems wilen van zurpele ende/ henrix molne(re) van grasen swager der voirs(creven) kijnde(re) gelegen te beetse/ en(de) daer omtrent in deen zijde en(de) weyn vanden driessche van/ thienen in dande(re) dair de voirs(creven) weyn een aensprake dede ten/ voirs(creven) willeme weert seggen(de) dat hij met sijne(n) voirs(creven) beleyde/ ongebruyc dede ende voirhielde tonrechte vii(½) sille en(de) xvii cort/ roeden lants gelege(n) te beetse ter stad gehete(n) ten eechoute opden/ wilien stoc tusschen de strate aldaer en(de) de goede wouters/ mynten en(de) seyde dat waer wae(re) dat hij een suster hadde/ geheten was jouff(rouwe) lijsbeth die getroudt hadde nae staet der/ heyleger kerken eene(n) goeden man die hiet jan van halle en(de)/ dat de voirs(creven) jouff(rouwe) lijsbet de voirs(creven) goede behielt en(de) besadt/ als haer wettich erve en(de) daer uut staerf als uut hae(re)n wettege(n)/ erve sonder wetg wettege geboirte nae haer te laten voir/ den voirs(creven) janne hae(re)n man en(de) dat de voirs(creven) jan de voirs(creven) goede/ bleef houden(de) en(de) besittende als een tochte(r) en(de) daer uut gestorven/ wae(r) als uut sijnre tocht en(de) dat weyn voirs(creven) de naeste levende/ wae(r) der voirs(creven) jouffr(ouwe) lijsbette(n) sijnre suster en(de) oir en(de) erfgename/ vanden voirs(creven) goeden en(de) dat dese pointen waer wae(re)n boet de/ voirs(creven) weyn te thoene(n) met wetteger waerheyt en(de) mette(n) mynste(n)/ daer hij mede leden mochte inden rechte Hoepte en(de) meynde/ de voirs(creven) weyn waer hij dese poenten gethone(n) [conste] dat hem de/ voirs(creven) goede volgen souden en(de) sculdich wae(re)n te volgen ende dies/ genueghde hem wael manisse vanden meye(r) en(de) vonnisse der/ scepen(en) Daerop de voirs(creven) willem verantw(er)de met sijnen/ / gelev(er)den voirspreke seggen(de) en(de) hopende dat hem alsulken aensprake/ als de voirs(creven) weyn te hemw(er)t gedaen hadde nu(m)mermeer onstade doen/ en soude bij bete(re)n rechte en(de) bescheide dat hij daer toe seggen woude/ en(de) seyde dat waer wae(re) dat de voirs(creven) jouff(rouwe) lijsbet hadde eene(n) vader/ gehete(n) was jan van zurpele de(n) welke(n) de voirs(creven) goede plagen toe te/ hoeren en(de) van dien janne van zurpele wae(re)n de voirs(creven) goede comen/ opder voirs(creven) jouffr(ouwe) lijsbette(n) en(de) jouffr(ouwe) lijsbet waert aflivich sonder/ wettege geboirte van hae(re)n live acht(er) te latene en(de) staerf uuten voirs(creven)/ goeden e als uut(er) hoe(re)n wettegen erve en(de) de voirs(creven) jan haer man bleef/ die houden(de) en(de) besitten(de) als een vremde tochte(r) en(de) waer daer uut gestorve(n)/ als uut sijnre tocht Ende hoe wael de voirs(creven) weyn vanden driessche/ der voirs(creven) jouffr(ouwe) lijsbetten brueder was vanden nabedde en(de) naeste/ leve(n)de van haer want robijn wijlen vanden driessche sijn vader/ der voirs(creven) jouffr(ouwe) lijsbette(n) moeder nae getroudt hadde soe en wae(r)/ hij gheen erfgename maer een vremdt man van desen goeden want/ de voirs(creven) goede comen wae(re)n van janne van zurpele der voirs(creven) jouffr(ouwe)/ lijsbetten vader Welc jan van zurpele eene(n) wettegen brueder/ hadde geheten was willem van zurpele en(de) de voirs(creven) willem robeert/ daneel en(de) lijsbet van zurpele en(de) oic katheline die wijf is henrix/ molne(re)n die den voirs(creven) brief bekent hebben daer sijn beleyt uut/ gedaen is wae(re)n wettege kijnde(re) des voirs(creven) willems van zurpele/ die oem was der voirs(creven) jouffr(ouwe) lijsbetten en(de) oer en(de) erfgename vande(n)/ voirs(creven) goeden daer tgedinge om is En(de) vander selver sijden daer/ die van zurpele daer de voirs(creven) goede af come(n) sijn en(de) dat dese/ pointe(n) waer wae(re)n boet de voirs(creven) willem van surpele de jonge/ te thoene(n) met goeden knapen dier wael af te spreken wisten en(de)/ mette(n) mynsten daer hij mede soude moege(n) liden inden rechte/ Hoepte en(de) meynde waer hij dese poente(n) gethone(n) conste dat hem/ / en(de) sijne(n) beleyde de voirs(creven) goede volgen souden en(de) sculdich wae(re)n te volge(n)/ nae de waerheyt die hij daer af boet en(de) dies genueghde hem/ wael vonnisse en(de) rechte Daer op de meye(r) van loven(e) maende de/ he(re)n scepen(en) van loven(e) die wijsden voer een wonnisse want hen/ beyde p(ar)tien thonisse vermete(n) hadden dat sij de thonissen in beyde/ sijden begheerden taenhoren en(de) dae(re)nteyden recht Ten dage/ van thoenen en thoende de voirs(creven) weyn niet alsoe hij hem vermete(n)/ hadde en(de) de voirs(creven) willem van zurpele de jonghe thoende volco-/ melijc met goeden knapen alle poenten alsoe hij hem vermeten/ hadde in sijnre aenspraken alsoe dat de meye(r) van loven(e) voert/ maende de he(re)n scepen(en) die hij opde sake wel beraden wijsden voir/ een vonnisse dat den voirs(creven) willem van zurpele den jongen/ en(de) sijne(n) beleyde de voirs(creven) goede volgen souden alsoe verre alst noch/ voir hen comen was P(rese)nt(ibus) god(efrido) sroelofs henr(ico) de borch(oven) stephano/ smacht walt(er)o ca(pelle)[man] joh(ann)e de ov(er)wynge et walt(er)o smet scab(inis)/ lov(aniensibus) m(ar)tii xiiii