It(em) want stoet en(de) tebat opv(er)staen is tusschen janne van alpen in/ deen zijde en(de) henrike van lae(re) smet in dande(re) alse van alrehande/ comescape(n) die de voirs(creven) henric en(de) jan jege(n) malcande(re)n gedaen/ hebben soe sijn beyde voirs(creven) p(ar)tien comen voir scepen(en) van loven(en)/ en(de) hebben hen vanden voirs(creven) stoete gekeert in segge(re)n in en(de)/ vrintlijc iffene(re)n te wete(n) de voirs(creven) jan in janne van alphen sijne(n)/ vader en(de) in willeme van campe(n)hout en(de) de voirs(creven) henric in/ willeme telde(re) sijne(n) sweer en(de) henrike colve In alsulker w/ vuegen dat de voirs(creven) jan sijn aensprake setten sal in gescrifte/ en(de) ov(er)gheve(n) den segge(re)n svoirs(creven) henrix tusschen dit en(de) dond(er)sdach/ naestcomen(de) daer op de voirs(creven) henric sijn verantw(er)den maken/ sal in gescrifte en(de) ov(er)geve(n) den segge(re)n svoirs(creven) jans tusschen dat/ en(de) vridach noene daer naestvolgen(de) en(de) behoefden sij enege getuge(n)/ te hoiren dat sij die hoiren selen en(de) huer seggen daer af/ seggen tusschen dat en(de) maendage daer naestvolgen(de) op dat/ sijs eens sijn en(de) van accorde en(de) oft sijs niet eens en worden
//
dat sij dan mette(n) bescheide van beyden p(ar)tien alsoe ov(er)gehadt come(n)/ selen voir scepen(en) van loven(en) des dijsdaigs daer naestvolgen(de)/ en(de) halen des een vonnisse oft p(ar)tien met rechte gedingt hadde(n)/ en(de) oft eneg(er) p(ar)tien segge(r) gebrake dat die in die stad vande(n)/ ghene(n) die gebreken selen ande(r) gelike ma(n)ne kyesen selen moge(n)/ promitt(entes) ratu(m) roel(ofs) borch(oven) m(ar)tii xix