Van arnde kynen/ Tvonnesse tusscen arnde kynen die overmids vonnesse van scep(enen)/ brieven van loven(en) geleit is tot den goeden aerts wilen kijne(n) sijns/ vaders in deen sijde en(de) janne leeman sijnen swager in dande(re) alse/ van i(½) boend(er) lants gelegen in de prochie van beethekem geheten des/ heilichsgheest bloc tusscen de goede jans megelbels en(de) de goede/ der kynde(re)n lauwarts en(de) neven she(re)nstrate Item van v molevaten rogs/ d(er) maten van arschot [erfs pachts] aen seke(r) goede arnts vanden velde gelegen/ inde prochie van arschot neven de galghe van arschot tusscen de goede/ arts kynen en(de) she(re)n heyde van rotselair dair aen de voirs(creven)/ jan leeman den voirs(creven) arnde nu ongebruyc dede en(de) opgaende eyken/ afgehouwen hadde Niet wed(er)staende dat de voirs(creven) arnt hem/ gep(rese)nteert hadde al wae(re) hij geleydt tot sijns vaders goeden hij/ woude hem nae de doot van sijnre moed(er) des voirs(creven) jans sweg(er) inde/ voirs(creven) goede sijns wijfs sijn kyntsgdeelte laten volgen Was/ gewijst ald(us) dat den voirs(creven) arnde en(de) sijne(n) beleyde de voirscr(even)/ goede volgen souden bij alsoe dat hij janne sijne(n) swager/ voldoen soude tgheen dat hij hem gep(rese)nteert heeft hadde/ p(rese)ntib(us) kersmake(re) roel(ofs) borch(oven) cap(elle)[ma(n)] ov(er)wynge iunio(r)e junii xv