It(em) uut dien dat alrehande stoot opv(er)staen is tussce(n) engelb(er)te/ van lymelet in deen zijde en(de) janne van lymelettez/ brueder des voirs(creven) yngelbr(echts) in dande(re) alse vande(n) goeden/ van lymelettez die sij gesame(n)der hant gehoude(n) hebbe(n)/ en(de) den co(m)mer diemen jairlix uut den selven/ goede(n) sculd(ich) is te betale(n) soe sijn beyde voirs(creven) gebruede(re)/ come(n) voe(r) scepen(en) van lov(en) en(de) hebben hen vanden/ voirs(creven) stoete en(de) van allen ande(re)n stucke(n) die sij jege(n)/ malcande(re)n uutstaen(de) hebbe(n) gekeert in segge(re)n en(de) vrientlic/ yffene(re)n te wete(n) de voirs(creven) yngelbr(echt) in [janne van duffle ende janne van udekem voirspreke] engelbr(echte) van/

g(ra)ven en(de) de voirs(creven) jan in janne va(n) molebeke/[ende] in des(er) vuege(n) dat de voirs(creven) yngelbr(echt) sijne(n) eysch in/ gescrifte den segge(re)n des voirs(creven) jans ov(er)gheve(n) sal by(n)nen/ viii dage(n) naestcomen(de) en(de) dat gedaen sal de selve/ / jan van lymelet d(aer) op sijn verantw(er)den in gescrifte den/ voirs(creven) engelbr(echte) van g(ra)ven ov(er)gheve(n) bynne(n) viii dagen/ d(aer) naest volgen(de) en(de) alse de voirs(creven) segge(re)n beyder/ p(ar)tien bescheit also ov(er) hebbe(n) selen selen sij hue(r)/ uuytsprake d(aer)af doen en(de) thoenisse hoe(re)n ofs noet/ is by(n)nen viii daghen dan d(aer) naest volgen(de) of sijs/ eens sijn en(de) en sijn sijs niet eens soe selen sij/ come(n) by(n)nen iiii dagen dan d(aer) nae come(n) voe(r)/ scepen(en) van lov(en) en(de) halen d(aer) af vonnisse(n) gelijc/ ofs p(ar)tien met rechte gedingt hadde(n) promitt(entes)/ ratu(m) ca(pelle)[ma(n)] ov(er)wynge iunior aug(usti) xviii