Cont zij allen lieden dat jan warmoes [amelrijc [vande(n) broecke gehete(n)] de coste(re)] van nederijssche es comen in/ yeg(ewordicheit) der scepen(en) van loven(e) en(de) heeft ghenome(n) ende bekent dat/ hij ghenomen heeft jegen jacoppen van ov(er)beke thof des selfs jacops/ ghelegen te ned(er)ijssche met den huysen hove(n) wynnenden landen tot/ den voirs(creven) hove behoe(re)nde ende beemden hier nae ghenoempt alsoe/ de voirs(creven) goede den voirs(creven) jacoppen ghevallen en(de) v(er)schenen sijn in sine/ deilinge jegen janne den roeve(re) de jonge Te houden te hebben en(de)/ te wynne(n) van halfmeye naestcomen(de) [lestleden] ene(n) t(er)mijn van sess jae(re)n/ lang deen nae dand(er) dair nae sonder middel volgende ind(er) manie(re)n/ ghelijc hier nae volght Te weten de voirs(creven) wynnende lande om/ de helicht van allen den coerne en(de) vruchten dair op jairlijx wassende/ op alsoe dat de voirs(creven) wynne des voirs(creven) jacops helicht met den sijne(n) alse die/ op sine(n) cost ghepict afghedaen ende ghebonden sal wesen dat hij dan/

yerst des voirs(creven) jacops helicht inde huysinge des voirs(creven) jacops vue(re)n ende/ leggen sal ende oic sal de voirs(creven) wynne sijn helicht mede inde voirs(creven)/ jacops huysingen leggen Item heeft noch ghenomen de voirs(creven) jan warmoes [amelrijc]/ als voe(r) de beemde hier nae ghenoempt Inden yersten een boend(er) beempts/ luttel min of meer gheheten den langen beempt en(de) een half boend(er) ghe/ heten den molenbeemt Item terdel van eene(n) boend(er) beempts ghelegen/ int ghemeyn broeck It(em) een half boend(er) beempts ghelegen inden groten/ ham op de zijde te wout(er)s vanden reele goede [rijdders boude(n)] w(er)t Elx jaers darenby(n)ne(n)/ om xiiii gulden gripen te weten xl pl(acken) alsulx ghelts als tallen tijden/ van betalen gemeynlic in borssen gaen sal voe(r) elke gripe gherekent/ te sinte m(er)tens misse inde(n) wynt(er) te betalen jairlix den voirs(creven) t(er)mijn due(re)nde/ ende telken t(er)mine als v(er)volghde schout [It(em) es vorwerde dat de voirs(creven) wynne de yssche en(de) de wat(er)loepe al o(m)me de voirs(creven) beemde [wel en(de) loflic] houden en(de) laten sal alsoe hij die vint] It(em) es vorwerde dat de/ / voirs(creven) wynne den voirs(creven) jacoppen sijn voirs(creven) helicht van sine(n)/ coerne ter stont nae dat hij die sal hebben doen dersschen tot/ loven(e) vue(re)n op sine(n) cost dair voe(r) dat hij stroe en(de) caf int/ voirs(creven) hof behouden sal It(em) sal de voirs(creven) wynne alle de/ voirs(creven) lande en(de) beemde wel en(de) loflic houde(n) en(de) bevrede(n)/ sine(n) voirs(creven) t(er)mijn due(re)nde [en(de) die late(n) ghelijc hij die vint] ende die mesten de verste [lande mesten] ghelijc/ den naesten ind(er) maten als ande(re) reengenoete(n) bove(n) en(de) benede(n)/ doen selen Ende want de voirs(creven) wynne de voirs(creven) goede/ en(de) beemde wel en(de) loflic bevreydt vint te sine(n) incomen/ soe sal hij die oic bevreden te sine(n) afgaene It(em) sal de/ voirs(creven) wynne alle stroe vande(n) voirs(creven) gheheelen goede/ comen(de) int sijn hof vue(re)n dair hij woent [des voirs(creven) jacops laten] en(de) die met sine(n)/ beesten etten en(de) te meste maken voe(r) de tijt dat hij sijn stroe/

sal mogen etten en(de) [en(de)] dat [mest] op tvoirs(creven) lant vue(re)n ten meeste/ p(ro)fijte ende als hij dit voirs(creven) lant mesten sal oft ten langhste(n)/ ghemest sal hebbe(n) soe sal hij dat den voirs(creven) jacoppe(n) condigen oft/ doen condigen om dat te besien It(em) sal de voirs(creven) wynne/ de grebben vande(n) voirs(creven) landen jairlix slichte(n) Item sal de/ voirs(creven) wynne den voirs(creven) jacoppe(n) jairlix sijn staken die hij op/ sine(n) wijngart [int voirs(creven) hof ghelege(n)] behoerle(c) sal vue(re)n op sine(n) cost Ite(m) sal de/ voirs(creven) wynne de(n) voirs(creven) jacoppe(n) sine(n) wijn op den voirscr(even)/ wijngart wassende alle jae(re) te loven vue(re)n op sine(n)/ last en(de) de cupen die me(n) behoeve(n) sal te loven halen/ It(em) sal de voirs(creven) wynne den voirs(creven) jacoppe(n) alle jae(re) diene(n)/ met sine(n) wagen en(de) p(er)de(n) twee dagen dair jacop des/behoeve(n) sal [behoeft] Ite(m) sal de voirs(creven) wynne jairlix int voirs(creven)/ hof leve(re)n xviii mandele(n) walme(re) om de voirs(creven) huyse mede/ te decken ende alse men die verdect sal de wynne den/ montcost gheve(n) en(de) jacop de dachue(re)n betale(n) It(em) sal de/ voirs(creven) wynne leve(re)n en(de) halen int voirs(creven) hof allen den/ leem dacroeden en(de) vitselroede(n) en(de) teen dieme(n) dair toe/ behoeve(n) sal op sine(n) cost ende de huyse vander/ onderster rikelen ned(er)w(er)t houden in goede(n) state It(em)/ selen de voirs(creven) jacop en(de) de wynne doeft int voirs(creven)/ / hof wassende half en(de) half doen lesen en(de) hebben ende des/ voirs(creven) jacops helicht met allen den ande(re)n oefte dat jacop/ ald(air) op sijn and(er) erve hebbe(n) sal tot loeven(e) oft dairt de voirs(creven)/ jacop ghenuege(n) sal vue(re)n Ite(m) sal de voirs(creven) wynne op de voirs(creven)/ beemde mogen truncken en(de) hebben om de voirs(creven) beemde mede/ et bevreden en(de) dat dair dan vande(n) loeke ov(er)comen sal dat sal/ de voirs(creven) jacop hebben en(de) behouden om sijn ande(re) goede eld(er)/ ghelegen mede te bevreden en(de) den s loeck voirs(creven) dat [sal] de/ wynne vue(re)n dairt dairt den voirs(creven) jacop ghenuege(n) sal/ It(em) sal de voirs(creven) wynne alle de voirs(creven) ette eeusele jairlix/ doen mayen en(de) die tracken [en(de)] bloeten It(em) sal de voirs(creven) wy(n)ne/ dmest uutden voirs(creven) hove ten eynde vande(n) t(er)mine vue(re)n/ op tvoirs(creven) lant ten meeste p(ro)fijte en(de) de messie bloet/ laten It(em) en sal de voirs(creven) wynne negheen recht hebben/ int hout vanden voirs(creven) hove dan inde truncwilligen die/ hij truncken sal mogen It(em) en sal de voirs(creven) wynne inde/ eeusele noch beemde voirs(creven) ten lesten t(er)mine negheen/ bewint hebben dan tot halfm(er)te It(em) sal de voirs(creven) wy(n)ne/ de oude wijngart reven en(de) corttelinge hebben tot sine(n) p(ro)fijte/ en(de) jacop de staken It(em) es vorwarde dat jacop voirs(creven) voirs(creven) inde(n)/ oeghst alsme(n) dat coren indoen sal soe sal de wynne den/ montcost hebben [gheven] oft yemant and(er)s die van sine(n) [jacops] wegen dair/ comen sal Ite(m) want de voirs(creven) wynne ten ingaen vande(n)/ t(er)mine bevonden heeft i(½) boend(er) met tarwen besaeyt vii(½)/ dach(mael) met rogge op vier ghetide voe(re)n It(em) een boender/ ghersten xi(½) dach(mael) met even(en) besaeyt i dach(mael) erwiten ghemest/ de even(en) op twe voe(re)n en(de) de gherste op drie voe(re)n een dach(mael)/

erwite(n) ghemest en(de) drie boende(r) en(de) een half brake eens om/ ghedaen Soe is vorwarde dat de wynne die alsoe laten sal/ wel en(de) loflijc bezaeyt ten uutgaen vande(n) voirs(creven) t(er)mine En(de)/ alle dese voirs(creven) vorw(er)den condicien en(de) gheloften hebben gheloeft/ de voirs(creven) wynne in deen side en(de) de voirs(creven) jacop in dande(re) mal/ cande(re)n vast en(de) ghestedich te houden en(de) te voldoen tallen tijde(n)/ It(em) es vorw(er)de dat de voirs(creven) [jacob en(de) de] wynne bynne(n) den yersten drie jae(re)n/ afscheyden moghe(n) op dat hem ghelieft op dat hij [de ghene die scheidt den ande(re)n] dat den voirs(creven)/

jacoppe een half jae(re) te voe(re)n seght/ / en(de) t(er)mine(n) als sij vallen en(de) v(er)schine(n) sele(n) en(de) telken t(er)mine/ als v(er)volghde schout Hier af sijn borge(n) als p(ri)ncipael/ sculde(re)n onghesund(er)t en(de) onv(er)scheyden henric vande(n) broecke gehete(n)/ coste(re) de jonghe henric q(ua)telart wonen(de) te langrode Et p(ri)m(us) key(enoegh)[e] vynkenb(osch)/ junii xv