SAL7333, Act: R°294.1-V°294.1 (281 of 381)
Search Act
previous | next
Act R°294.1-V°294.1  
Act
Date: 1439-02-09
LanguageNederlands

Transcription

2020-01-03 by xavier delacourt
It(em) cond zij alle(n) lieden dat lijsbet weduwe jans wile(n) vanden broeke ende/
reyne(re) vande(n) broeke [haer sone] gedaen te voe(re)n uut hue(re)n broede gedaen hebbe(n) genome(n) en(de)/
bekent dat sij genome(n) hebben van jouffr(ouwe) machtelden weduwe henrix wilen pape/
[in thof] de goede der voirs(creven) jouffr(ouwe) gelege(n) inde prochie van libbeke gehete(n) scoenbirge [de] ...te(n)?/
wynhuyse(n) hove(n) [stallagen en(de)] wynne(n)den lande(n) [daer toe hoe(re)nde] beemde(n) eeusele(n) en(de) alle(n) sijne(n) toebehoirte(n) [uutgescheide(n) dblochuys de gast came(r) en de solde(r) bove(n) de coken] Te houde(n)/
te hebbe(n) ende te wynne(n) van s(in)t jans misse naestcomen(de) eene(n) t(er)mijn van neghen [sesse]/
jae(re)n lanc deen na da(n)der sonder middel volgen(de) elx jae(re)n dae(re)nbynne(n) om dehelicht/
vanden vruchte(n) jaerlijx opde voirs(creven) goede wassende It(em) soe wa(n)neer de voirs(creven) lijsbet/
tvoirs(creven) core(n) afdoet soe sal sijt d(er) voirs(creven) jouffr(ouwe) tot hue(re)n huys te loeven late(n) wete(n) ende/
alse de vruchte(n) gebonden sele(n) sijn soe sele(n) sij die deyle(n) half en(de) half En(de) sowa(n)neer/
de vruchte(n) optvelt gereet sijn soe sal de voirs(creven) lijsbet m(ijn) jouffr(ouwe) helicht inde schue(re) vue(re)n/
eer sij huer helicht ruere(n) sal moege(n) It(em) soe wa(n)neer de voirs(creven) jouffr(ouwe) huer helicht/
ald(air) duet derssche(n) soe sal de voirs(creven) lijsbet de(n) dorsscher de(n) montcost gheve(n)/
d(aer) voe(r) sij de crinssen hebbe(n) sal en(de) de [voirs(creven)] jouffr(ouwe) sal de [sdersschers] dachue(re)n betalen It(em) sal de/
voirs(creven) j lijsbet m(ijn) jouffr(ouwe) core(n) vue(re)n alst gedorssche(n) sal sijn te loeve(n) te diest ofttaerschot/
d(aer)t m(ijn) jouffr(ouwe) best genuege(n) sal It(em) sal de voirs(creven) lijsbet jaerlijx leve(re)n tweehond(er)t/
goed(er) cusbe(re) walme(re) om de huysinge vande(n) voirs(creven) hove mede te decke(n) ende/
alsme(n) die ald(aer) verdect sosal de voirs(creven) jouffr(ouwe) de dach(ueren) betale(n) en(de) lijsbet sal de/
dach werclude(n) den montcost gheve(n) It(em) sal de voirs(creven) j lijsbet m(ijn) jouffr(ouwe) voirs(creven) houde(n)/
en(de) vuede(n) jaerlijx een vercke(n) gelijc den hue(re)n It(em) sele(n) de voirs(creven) lijs jouffr(ouwe) en(de) lijsbet/
hebbe(n) jaerlijx half en(de) half doeft dat inde(n) voirs(creven) boeg(ar)t wasse(n) sal d(aer) voir de/
voirs(creven) lijsbet de oeftboeme sal doen vvegen wel en(de) loflijc ende de voirs(creven) lijsbet/
sal doeft geheelijc ter eerde(n) leve(re)n en(de) m(ijn) jouffr(ouwe) helicht tot hue(re)n huys bringe(n)/
[te loven(e)] It(em) sal de voirs(creven) lijsbet de voirs(creven) goede beheymt begrecht en(de) beheymt laten/
wel en(de) loflijc met doerne(n) en(de) breme(n) t(er) mynst(er) scaden It(em) sal de voirs(creven) lijsbet m(ijn) jouffr(ouwe)/
voirs(creven) jaerlijx saeyen een halst(er) lisaets en(de) dat m(ijn) jouffr(ouwe) thuys geswingt leve(re)n/
It(em) sal de voirs(creven) lijsbet jaerlijx hebbe(n) de(n) voirs(creven) t(er)mijn duende de beemde d(er) voirs(creven)/
/ jouffr(ouwe) gelijc sij die voirtijts gehadt heeft alle jae(re) om xiiii g(ri)pen xl pl(acken)/
voir elc gripe gerekent te s(en)[te] m(er)tens misse inden wynt(er) te betalen/
jaerlix den voirs(creven) t(er)mijn due(re)nde en(de) telken t(er)mine als vervolghde schout/
It(em) sal de voirs(creven) lijsbeth de voirs(creven) goede laten ten eynde vande(n) voirs(creven)/
t(er)mine te wete(n) dwynt(er)coren besaeyt op iiii getideghe voren met/
goede(n) coirne tsom(er)coren besaeyt met sine(n) getideghen voren met goede(n)/
sade en(de) de brake twewerf omghedaen en(de) wel ghe eght gheegdt It(em)/
sal de voirs(creven) lijsbeth der voirs(creven) joffr(ouwe) op tvoirs(creven) goet jaerlix saeyen een/
halst(er) lijnzaets en(de) voert hante(re)n en(de) hae(re) geswingt thuys leve(re)n en(de) sij/
maeghs haer selve(n) oec een halst(er) zaeyen It(em) als de voirs(creven) joffr(ouwe) haere/
boden in tvoirs(creven) hof sindt soe sal lijsbeth hen hoe(re)n cost gheven It(em)/
es vorwerde dat de voirs(creven) lijsbeth de voirs(creven) goede jaerlix wy(n)nen/
en(de) werve(n) sal met hoe(re)n getideghen voren en(de) alle stroe d(aer) af/
comen(de) int tselve hof sliten en(de) mest d(aer) af maken en(de) op tvoirs(creven)/
lant vue(re)n slants meesten p(ro)fite en(de) nerghent elde(r) It(em) want de/
voirs(creven) joffr(ouwe) der voirg(enoemde) lijsbetten gheleent heeft xxxii mottoe(n) te/
weten xvii l(i)b(ra) pay(ements) voir elke(n) mottoen soe es vorw(er)de dat de voirs(creven)/
lijsbeth hae(re) die wed(er)gheve(n) sal ten lesten vande(n) voirs(creven) t(er)mine Hier/
af sijn borghen der voirs(creven) lijsbette(n) henric en(de) reyne(r) vande(n) broeke/
van wynghe hae(re) swag(er)s de welke de voirs(creven) lijsbeth en(de) reyne(r) haer/
sone geloeft hebbe(n) scadeloes tontheffen key(enoegh)[e] hug(ar)den feb(ruarii) ix
ContributorsInge Moris , Dieter Peeters
Moderated bykristiaan magnus
Last update: 2012-03-13 by Inge Moris