It(em) want stoet ende tebat opv(er)stain es tusschen h(ere)n henricke van hoeye/ en(de) h(ere)n janne van byoul moincke(n) des cloest(er)s van haestuez inde(n) name ende/ van weghen des selfs cloest(er)s in deen side ende alrefonce he(re) te lyngny/ als mo(m)boer joff(rouwe) joha(n)ne(n) sijnre geselly(n)nen docht(er) h(ere)n jans wilen van bossuyt/ in dande(re) alse vand(er) pechtingen vande(n) goeden vand(er) kiesen van dagbermont/ en(de) vand(er) capellen met hoe(re)n toebehoirte(n) die de voirs(creven) jan van bossuyt en(de) / h(er) jan wilen van bossuyt sijn vad(er) vanden voirs(creven) cloeste(re) te pachte gehoude(n)/ hebben Soe hebben hen de voirs(creven) p(ar)tien da vanden voirs(creven) stoete gekeert in/ segge(re)n en(de) vrintlic yffene(re)n te weten in willem(me) dyngelsche ja(n)ne del/ malmaison en(de) reynken van liesch welc segge(re)n hoir seggen geseeght/ en(de) uutgesproken hebben inder manie(re)n hier nae volgende inden iersten/ dat de voirs(creven) p(ar)tien beslicht [selen sijn] en(de) deen den loven(en) ande(re)n quite(re)n selen van allen/ sake(n) die deen den ande(re)n eysschende mach sijn uutgescheide(n) dat de voirs(creven) / he(re)n den voirs(creven) arlrefons gheven selen tusschen dit en(de) alre heylgen misse/ naestcomen(de) x mudde even(en) d(er) maten van loven(en) It(em) [en(de)] l mudde corens/ rogs d(er) mate(n) van loven(en) te bet(alen) tusschen dit en(de) kersmisse naestcomen(de)/ en(de) op de voirs(creven) goede te leve(re)n It(em) l pet(er)s en(de) xl clincarde te bet(alen) by(n)nen/ xiiii nachte(n) voir lichtmisse naestcomen(de) ende de voirs(creven) alrefonce / sal hebbe(n) en(de) trecke(n) ten oeghste naestcomen(de) de helcht van alle den grane/ dat op de goede vand(er) kiesin dan gewassen sal sijn behoudelic dien dat/ de voirs(creven) he(re)n uut der selv(er) helcht vande(n) grane wed(er) trecke(n) en(de) doen derssche(n)/ selen moghen de voirs(creven) l mudde rogs en(de) x mudde even(en) ende h(ier) mede/ selen sij de voirs(creven) goede en(de) alle gescriften daer toe diene(n)de ov(er) hebbe(n) vande(n)/ voirs(creven) alrefonce de tusschen dit en(de) alreheilgen misse naestcomen(de) ende/h(ier) af es borghe der voirs(creven) he(re)n arnt van g hebben geloeft beyde de voirs(creven)/ p(ar)tien deen den ande(re)n tvoirs(creven) seggen te voldoen ende h(ier) af es borghe/ der selv(er) he(re)n arnt van graven voert heeft geloeft de voirs(creven) art gielarde/ van wyomont en(de) henrar reynier in dien te hebbe(n) dat sij by(n)ne(n) xiiii nachte(n)/ naestcomen(de) voir scepen(en) van loven(en) oec h(ier) voe(r) borghe(n) blive(n) sele(n) gelijc hen/ keye(noeghe) hug(ar)d(en) oct(obris) iiii