Het es vorwerde tusschen lodewike den rike rentmeest(er) / van loven(en) in deen side en(de) janne vand(er) lynde(n) wonen(de) / op dulake? in dande(re) [en(de) sijn aengaen] voir hen hoir erfgename(n) en(de) nacomeli(n)gen / alse vande(n) goede hier nae bescreve(n) die de voirs(creven) / jan jegen den voirs(creven) lodewike(n) ghecocht heeft en(de) die de / voirs(creven) lodewijc gheloeft heeft te warande(re)n op een sist(er) rogs / der maten van loven(en) erfpachts te weten van ene(n) halve(n) boend(er) / lants ghelegen bij he(re)nt op tvelt gheheten op de heyde tusschen / een half boend(er) lants gheerts wilen van meensele en(de) een / dachmael lants der kinde(re)n van velpe It(em) van iii dach(mael) / lants leens ghelegen te he(re)nt opde groetheyden tusschen / de goede vrouwe g(er)truden weduwe h(ere)n jans wilen pijlisers / ridders en(de) de goede wout(er)s houwers It(em) om (½) boend(er) lants / ghelegen op tvelt gheheten de cleynheyde tussche(n) de goede / gheerts van meensele en(de) de goede d(er) kinde(re)n van velpe It(em)/ van ene(n) dach(mael) lants ghelegen opt langrode velt tussche(n) de / goede jans wilen sprenge(re) en(de) drag(er)st(ra)te waert alsoe dat men / namaels bevonde dat uut den voirs(creven) goede meer com(m)ers / ghingen dan tvoirs(creven) sist(er) rogs erfpachts en(de) dien den voirs(creven) ja(n)ne / of sine(n) nacomelinge(n) aenghewonne(n) worde met den rechte / dat de voirs(creven) lodewijc de rike hem dien co(m)mer restitue(re)n / en(de) oprichten sal te weten wairt coren voir elc mudde core(n)s / erflic d(er) maten van loven(en) xxiiii rid(er)s denr mu(n)ten h(er)toge / philips van bourg(oig)[nen] en(de) van braba(n)t of de werde dair af / wairt lijftocht xii rid(er)s voe(r) elc mudde wairt erftsijs voe(r) / elken pe(n)ninck xxiiii d(enieren) gheliker mu(n)ten en(de) wairt / lijftocht in ghelde voe(r) elken pe(n)ninc xii pe(n)ninge / gheliker mu(n)ten en(de) dair mede ghestaen sond(er) vorder / ghelast te worden met den wardeerscape dat de voirs(creven) / rentmeeste(r) vande(n) voirs(creven) goede ghedaen mach hebben / hug(ar)d(en) langr(ode) feb(ruarii) ix