SAL7334, Akte: R°125.3-R°126.1 (131 van 429)
Akte R°125.3-R°126.1
Act
Transcriptie
2012-12-18 door xavier delacourtCont sij allen lieden dat stas de briede(re) woenen(de) ter nuwer cappelle(n) es come(n) in /
jeg(ewordicheit) der scepen(en) van loeven(en) en(de) heeft genome(n) ende bekent dat hij genome(n) heeft /
vander priorinne(n) ende convent des goidshuys vanden wittevrouwe(n) bynnen /
thienen de goede des voirs(creven) goidshuys gelege(n) ter nuwer cappelle(n) mette(n) huyse(n) /
hove(n) wynne(n)den lande(n) beemde(n) eeusele(n) ende alle(n) hue(re)n toebehoirte(n) Te houden /
te hebben ende te wynne(n) van half merte naestcomen(de) eene(n) t(er)mijn van negen /
jae(re)n lang deen nae dand(er) sond(er) middel volgen(de) Elx jaers dae(re)n bynne(n) [de voirs(creven) la(n)de? ] om /
xv mudde corens goet en(de) payabel pacht vand(er) cappellen ende mate van /
thiene(n) alle jae(re) te sinte andries misse apostels te betale(n) [en(de)] alle jae(re) de xiii mudde /
daer af bynne(n) de stad van thiene(n) te leve(re)n ende de ii mudde daer af te /
dieste te leve(re)n alle jae(re) den voirs(creven) t(er)mijn due(re)nde en(de) telke(n) t(er)mijne als vervolgde /
scout ende Ende de voirs(creven) beemde en(de) eeuselen om v gulden(en) te wete(n) x struv(er)s /
voe(r) elke(n) gulden(en) gerekent alle jae(re) te s(en)[te] mertens misse inden wynter te betale(n) /
ende te thiene(n) bynne(n) den voirs(creven) goidshuyse te bringe(n) q(u)[o]lib(et) ass(ecutu)[m] It(em) soe wa(n)neer /
de voirs(creven) wynne tvoirs(creven) core(n) te thiene(n) levert soe sal hij ende sijn k(n)ape(n) hue(re)n /
montcost hebbe(n) It(em) sal de voirs(creven) wynne opde voirs(creven) goede moege(n) houde(n) ende /
struncke(n) te behoirlike(n) tijde en(de) ter mynster scaden om de goede mede te bevrede(n)
//
It(em) sal de voirs(creven) wynne tstuck lants gehete(n) de roesenhage bevrede(n) met hage(n) ende met / poten meer dies sal hem de voirs(creven) goidshuys de poten ende hage coepe(n) ende / leve(re)n Item sal de voirs(creven) wynne hebben alle devoirs(creven) po verdroegde boeme die /
aende voirs(creven) goede verdroegen maer dies sal hij voe(r) elken verdroegde(n) boem weder /
twee leve(n)de pote(n) sette(n) It(em) sal de voirs(creven) wynne de voirs(creven) goede wynne(n) en(de) /
werve(n) wel ende loflijc op huer getidege voe(re)n Item want den voirs(creven) wynne /
vanden voirs(creven) goidshuyse gelev(er)t de huysinge te wete(n) dwoenhuys bachuys /
ende dhuyfhuys wel ende loflijc gerepareert ende geplect ende gedect /
Soe is vorwerde dat hij dat weder te sijne(n) afscheide(n) alsoe gerepareert /
sal late(n) ende bevintme(n) dat sij bete(r) sijn daer af sal hem tvoirs(creven) goidsh(uys) rastoer /
doen vintme(n) dat sij arger sijn soe salse de voirs(creven) wynne de(n) voirs(creven) goidsh(uys) /
dat oprichte(n) nae prise van goeden knape(n) die hen des verstaen It(em) sal de /voirs(creven) wynne hebben oft geviele dat tvoirs(creven) goidshuys bynne(n) den voirs(creven) /
hove yet dede ty(m)mere(n) oft werke(n) daer af sal de voirs(creven) wynne ty(m)merhout /
ende leem toehalen op tgodshuys erve daerme(n) hem dat wasse(n) sal dies /
sal hij den afval vanden houte hebben Item oft tvoirs(creven) goidshuys opde voirs(creven) goede /
enich berhout dede maken dat sal de voirs(creven) wynne de(n) voirs(creven) goidshuyse te /
thiene(n) int cloester moete(n) leve(re)n op sijne(n) cost ende last maer dies sal tv /
tcloester dwegelt te puppensvoert betalen en(de) dan sal de wynne oic /
sijne(n) montcost hebben Item waert alsoe dat bynne(n) den voirs(creven) hove enich /
p(er)soen quame(n) van tvoirs(creven) goidshuys wege(n) dan sal hen de voirs(creven) wynne teete(n) /
ende te drinken gheven ende een bedde maken oft twee Item en sal de /
voirs(creven) wynne gheen vanden voirs(creven) landen moege(n) ontaerden Item waert /
oic dat den voirs(creven) goidshuyse enich scade geschien soude aen huer goet /
dat sal de voirs(creven) stas bewe(re)n ende doen maken in afslage van sijnre /
scout It(em) want de voirs(creven) wynne de voirs(creven) goede bloet ende onbesaet aen /
veert heeft Soe is vorwerde dat de wynne voirs(creven) te sijne(n) leste(n) jae(re) /
die besaeye(n) sal op getidege voe(re)n maer dat sal hem tvoirs(creven) goidshuys /
moete(n) betalen ter goeder k(n)ape(n) prise Item sal de voirg(enoemde) wynne ter /
stont sculdich sijn de scue(re) ende dnuwe stelleken bynne(n) de voirs(creven) hove /
staende half te decken ende voirdaen wael van waende te houden
//
maer dat en sal men te(n) afscheden met vysente(re)n Ende alle dese vorwerden co(n)dicie(n) / ende gelufte(n) hebbe(n) goeloeft de voirs(creven)w jouffr(ouwe) van scloesters wege(n) in deen zijde ende /
de voirs(creven) wynne in dande(re) malcande(re)n vast en(de) gestadich te houden h(ier) af sijn borge(n) des /
voirs(creven) wynne(n) als p(rin)cipael sculde(re)n ongesundert en(de) onv(er)scheide(n) reyne(re) de briede(re) /
natuerlike sone des voirs(creven) stas ende henric groetmans van corsbeke Et p(rim)[(us)] ca(pelle)[ma(n)] /
velde oct(obris) xix /
//
It(em) sal de voirs(creven) wynne tstuck lants gehete(n) de roesenhage bevrede(n) met hage(n) ende met / poten meer dies sal hem de voirs(creven) goidshuys de poten ende hage coepe(n) ende / leve(re)n Item sal de voirs(creven) wynne hebben alle de
//
maer dat en sal men te(n) afscheden met vysente(re)n Ende alle dese vorwerden co(n)dicie(n) / ende gelufte(n) hebbe(n) goeloeft de voirs(creven)
Nagekeken door: Inge Moris
Moderator: Inge Moris
Laatste update:: 2012-09-04 door Sabrina Keyaerts