Het zijn comen in rechte inde banc voir meye(r) en(de) scepen(en) van loven(en) / h(er) jan he(re) van dongelberghe in deen zijde en(de) amelijs van / herbat poirt(er) van loven(en) inden dorpe van dongelberge wonech / tich en(de) gesete(n) ter ande(re) aldair de voirs(creven) h(er) jan een / aensprake dede ten voirs(creven) amelijs w(er)t seggen(de) dat de / heerlich(eit) van dongelberghe hoghe en(de) neder hem toebehoirde / en(de) dat alle de ghene bynne(n) den dorpe van dongelberge / onder hem geseten die p(er)de en(de) waghen hielden hem toeghst / zijn hoey inne vuerden desgelix zijn colen haelde(n) talle(n) / tiden als hij des behoefde en(de) of inde(n) selve(n) dorpe yema(n)t / sate die niet meer dan een peert en hadde dat / hij dat aen eens anders waghen inne spiene en(de) dat / uut elke(n) huyse daer waghen noch p(er)de gehoude(n) en / worden een p(er)soen toeghste zijn hoeye sculdich wae(re)n te / hoeyen en(de) dat hij en(de) zijn voirsete(n) die heerlicheit / ov(er) dond(er)seten vanden dorpe van dongelberghe van / opgeldenake van piet(er)bais van aildevronc? en(de) van / vrocquijt gehadt hadden over xxx xxx xl l jair / en(de) daghe en(de) of yema(n)t hem weyg(er)de de voirs(creven) punte(n) / te doen bynne(n) den voirs(creven) dorpen gesete(n) dat zij dan / vand(en) heerlich(eit) van dongelb(er)ge d(air) toe met pandinge(n) / en(de) andersins voirmaels bedwonge(n) hadden geweest / en(de) worden en(de) de boeten d(air) af met bedwange van / rechte d(er) voirs(creven) heerlich(eit) betaelden seggen(de) voert / dat de voirs(creven) amelijs inden voirs(creven) dorpe woende / en(de) de corweyde(n) ind(er) voirs(creven) maten tot heer toe gedaen / hadde(n) welke poente(n) de voirs(creven) h(er) jan boet te thoene(n) / en(de) mette(n) mynste(n) inde(n) rechte te volstaen hoepte / en(de) meynde of hij die gethoene(n) conste dat de / voirs(creven) amelijs hem de voirs(creven) corweyde(n) als hij d(aer) toe / versocht worde doen soude en(de) sculdich wae(re) te / doen en(de) des genueghde hem wael trecht
//
Daer op de voirs(creven) amelijs hem verantw(er)den(de) dede seggen hopen(de) / te vorsten dat de he(re) van dongelberghe ne(m)mermeer / thoene(n) en soude dat hij of dond(er)sete(n) vande(n) voirscr(even) / dorpe(n) de voirs(creven) corweyden van rechte daden of sculdich / wae(re)n te doen maer dat de voirs(creven) corweyde(n) den / voirs(creven) he(re) van dongelberge bide(n) ond(er)sete(n) vande(n) dorpen / voirs(creven) gedaen w hadde(n) geweest uut beeden en(de) van / goed(er) tien(er) heyde(n) en(de) anders niet hopen(de) d(aer) om / vand(er) aensprake(n) ongehoude(n) te sine d(aer) op en(de) des / geliefde hem wael trecht d(aer) op de scepen(en) gemaent / vande(n) meye(r) wijsden den voirs(creven) h(er) ja(n)ne tsijne(n) thoenisse / ten daghe van thoene(n) kynde de voirs(creven) amelijs / dat de heerlich(eit) van dongelb(er)ge hoghe en(de) neder / den voirs(creven) he(re) janne toebehoirde Thoende voert / de voirs(creven) h(er) jan he(re) van dongelberghe dat de voirs(creven) / amelijs inden dorpe van dongelberge sate en(de) / woende en(de) dat hij voermaels de voirs(creven) corweyde(n) / en(de) tot heer toe selve gedaen hadde Thoende / voert de voirs(creven) he(re) van dongelberge met vi goeden / ma(n)nen dat deen vande(n) tide van xxxii xxxiii jae(re)n / en(de) dande(re) ov(er) xl en(de) l jae(re)n dat sij gesien hadde(n) / zijden den voirs(creven) tide dat dond(er)sete(n) des he(re)n van / dongelberghe [te dongelberge] die getruwe hielde(n) den selve(n) he(re) en(de) / sine(n) voirsete(n) huer hoeye en(de) colen inne vuerde(n) en(de) / haelde(n) en(de) dat de ghene die maer i peert / en hielde(n) dat in eens anders waghen moeste(n) / spanne(n) om de voirs(creven) corweyde(n) te doen tuychde(n) voert / dat e uut elke(n) huyse een p(er)soen d(aer)men gheen / p(er)de en hielde thoey des he(re)n van dongelberge / hoeyden tuyghde(n) voert dat de ghene die hen / d(aer) jegen rebel maecte(n) bide(n) s(er)gant of diene(re) des he(re)n / van dongelberghe bedwongen hadde(n) geweest met / pandinge(n) en(de) dat de ghene die gepant wae(re)n / hue(re) pande dan losten en(de) d(aer) mette(n) boete(n) en(de) deden
//
de corweyden inder voirs(creven) maten Seyden voirt de voirs(creven) ghetuygen / dat sij dat hue(re)n ouders hadden hoe(re)n seggen dat dat voirmaels / alsoe ghehanteert hadde gheweest de scepen(en) van loven(en) dair / op voirt ghemaent wijsden voir een vo(n)nisse nae aenspraken / verandwerden en(de) thoenisse want de vors(creven) sake der heerlech(eit) / aen ruerde sat sij die sedten ter plaetsen dair die behoirde / p(rese)nt(ibus) lomb(ar)t abs(oloens) roel(ants) ca(pelle)[ma(n)] velde lynt(er) iunior aug(usti) / aug(usti) iiii[ta] /