It(em) villicus lov(aniensis) med(iantibus) scabinis lov(aniensibus) adduxit johanne(m) goeswijn / ad o(mn)ia et singula bona mo(bili)[a] amelii quond(am) filii theod(erici) / quond(am) panneye de warna(n)t co(m)mor(antis) apud ev(er)nas le bauduwijn / ubicu(m) locor(um) sit(a) consistu(n)t aut quocu(m)q(ue) no(m)i(n)e censeant[(ur)] / p(ro) c(er)t(is) p(ro)missionib(us) et co(n)vent(i)o(n)ib(us) (con)st(itutis) in l(itte)ris scabinor(um) / lov(aniensibus) quar(um) tenor sequit[(ur)] in h(ec) verba Cont zij / allen lieden dat amelis sone dierix wilen panneye / van warna(n)t wonende tevrenas le bauduwijn Es come(n) in teghe / woirdicheiden der scepen(en) van love(n) En(de) heeft ghenome(n) en(de) bekent / dat hy ghenome(n) heeft van he(re)n woute(re)n vander tommen prioer / vanden goidshuyse van senter claes englanes bi ludick En(de) procuratour / des abds en(de) convents van sinte laureys by ludick van des selfs goidshuys / weghen van sente laureys En(de) van hue(re)n weghen ghemechticht de goede des / voirscr(even) goidshuys van sente laureys Te weten(e) de wynninghe met den / hove wy(n)ne(n)de lande thienden molen renten beemden tsijsen derdeschove / land met alle(n) hue(re)n toebehoirten gheleghen tevrenaz le bauw baudewijn / ghelijc die voirs(creven) amelis die selve goed voirtijts ghehouden heeft Te houden(e) / en(de) te hebben(e) van opden yersten dach van merte lestleden ene(n) t(er)mijn van / twelf jaren lang deen na dander sonder middel volgende Elx jaers dair / daren bynne(n) om drie hondert en(de) w veertich mudde(n) spelten goet en(de) / payabel der maten en(de) pachts van ludick te sente andries messe apostels / te betale(n) en(de) ombegrepe(n) tonser liever vrouwe(n) daghe lichtmesse den / voirs(creven) h(e)r(e)n woute(re)n bruerder janne brueder janne del chera sone jans / del chera brueder janne del chera sone jaquemijns del chera moneken / svors(creven) cloesters van sente laureys janne goeswijn en(de) janne van vertrike / oft den ene(n) van hen brenger des briefs en(de) opden graneyr van sente / laureys oft bynne(n) ludick op de grayniers vanden pensionarisen die aen
//
die voirs(creven) goede bewijst sijn oft sijn sulle(n) te leve(re)n op cost en(de) vracht des / vors(creven) amelis jairlijx den voirs(creven) t(er)min duerende en(de) telke(n) t(er)mijn als ver / volghde schout It(em) sal noch de voirs(creven) amelis jairlijx betalen den voirscr(even) / t(er)mijn duerende voer den cost van den scepen(en) der voirscr(even) h(e)r(e)n ten drien / jairghedinghe(n) drie mudde spelte(n) mate en(de) talinge voirs(creven) It(em) sal de voirs(creven) / amelis jairlijx wel en(de) loflijck sijne(n) t(er)mijn duerende de voirs(creven) wynnende / lande wynne(n) en(de) erien van alle(n) vore(n) na hore drie arde en(de) die merghele(n) / alsoemen boven en(de) beneden doen sall na usagie vanden lande aldair sonder / te mesarden en(de) bynne(n) den selve(n) tijde twewerve(n) en(de) loflick ov(er)mesten It(em) es / vorwerde dat de voirscr(even) wynne alle stroe en(de) voesterynghe vanden voirscr(even) lande / en(de) thienden en(de) goeden come(n)de brenghe(n) sall int voirsc(reven) hoff sijne(n) t(er)mijn lang dure(n)de / en(de) dat aldair vertere(n) met sijne(n) beesten en(de) te meste maken en(de) dat voerre(n) / opt fvoirscr(even) lant slants meeste(n) p(ro)fijte En(de) wairt alsoe dat dair over schote / dat soude de voirscr(even) amelijs ten ynde vanden voirscr(even) t(er)mine laten int hoff / vander voirscr(even) wynninghe(n) It(em) sall die voirscr(even) amelijs ten uutgange vanden / voirscr(even) t(er)mine tcoren dat hij ghesaeyt sal hebben den voirscr(even) h(e)r(e)n laten / ter taxacien vanden lieden alsoet hem de voirscr(even) h(e)r(e)n ghelevert hebbe(n) Te weten / elc boenre spelten voer twelf mudde deen doer dande(r) van welker spelten/ sijn sal moghe(n) omtrent tweentwintich en(de) een half boeenre It(em) sal de voirscr(even) / wynne ten uutgange van sijne(n) t(er)mine loflic laten de voirscr(even) lande omghedaen ghestort / en(de) dmest wael gheackert It(em) ys vorwairde wairt alsoe dat tvoirscr(even) coren / ten eynde vanden voirscr(even) t(er)mine beter worde vonden byder taxacien dan sij waren / doense die voirscr(even) amelis aenverde so selen die voirscr(even) he(re)n hem dair af / rastoer doen Wairt oec alsoe dat si mater vonden worden dan sij waren te / syne(n) income(n) soe soude die voirscr(even) amelis den voirscr(even) he(re)n dat oprichten / ter taxacien van goeden mans It(em) mach die voirscr(even) amelis de derdeschove / lande die hij niet ghewynnen en can onder sijn ploech voirt ande(re)n lieden te / pachte gheve(n) op alsoe dat hij ghetruwelijc sijn macht dair toe doen sal dat / sij ghewonne(n) en(de) ghew(er)ven selen w(er)den ghelick den ande(re)n landen voirg(enoemd) sonder / arghelist It(em) es gheorloft den voirscr(even) amelijs weert also dat hij alle de / andere lande voirscr(even) niet ghewy(n)ne(n) en conste dat hijse voert in zomminghen deele / sal moghe(n) uutgheve(n) alsoe verre als kenlick es dat hijse niet ghewynne(n) / en conste goeden liede(n) vanden dorpe voirscr(even) en(de) niema(n)de anders Ende alstoes / alsoe dat stroe datter op wasse(n) sal ghe weder ghevuert worden op de voirscr(even) lande / It(em) es noch gheorlooft den voirscr(even) amelise vande thienden die verre gheleghe(n) / sijn dat hijse voert verpachten mach den goede lieden met alsuker vorwerden
//
dat inden lesten jare vanden voirscr(even) t(er)mine die voirscr(even) thiende alsoe / wale die verre ghelege(n) es als die by gheleghen es come int tvoirscr(even) / hoff vander voirscr(even) wynninghe(n) omme stroe te mest te makene ghelijck / den ande(re)n stroe voirscr(even) It(em) waert alsoe dat yemand den voirscr(even) / amelijse vander he(re)n weghen tsijs sculdich wae(re) en(de) in ghebreke wae(re) / dien te betaellen so sall de voirscr(even) amelijs dien vervolghe(n) en(de) die / pande uutwinnen mette(n) rechte en(de) goedinghe dair af neme(n) tot der / voirscr(even) he(re)n behoef en(de) op cost des abds en(de) co(n)vents voirscr(even) Item / sal sculdich sijn die voirscr(even) amelijs wettelick te ondersuekenne op / zyne(n) eedt nae sijn macht allen den tsijs rente(n) en(de) capune vanden / abdt en(de) conve(n)te voirscr(even) inde name vanden ghene(n) diese sculdich sijn / en(de) die pande die dair af sijn en(de) dat behoirlike met ghescrifte overgheve(n) / It(em) sal de voirscr(even) amelis jairlijx alle die goede vander voirscr(even) / pachtinghe(n) brenghe(n) int voirsc(reven) hoff uutghenome(n) tghene dat hem / vore gheconsenteert es vanden lande en(de) thienden die verre gheleghe(n) / sijn en(de) alse vanden by vanghe vanden voirscr(even) hove en(de) oic vander / molen h(ier) nae ghenoemt Es vorweerde datme(n)se den voirscr(even) amelise / wel en(de) soufficiantelick gemaect leve(re)n sal en(de) hij salse sculdich sijn te houden / alse van platen van wande en(de) van dake en(de) mach de voirscr(even) abdt / jairlijx eens trecke(n) int voirscr(even) hoff die voirscr(even) goede te visiteren / en(de) dan sal die voirscr(even) amelijs den montcost doen van syne(n) huysgesynne / van sine(n) peerden avont en(de) morghe(n) wel en(de) volcomelijck zonder / wijn te leve(re)n It(em) sal die voirscr(even) wynne ten eynde vanden voirscr(even) / t(er)mine den voirscr(even) he(re)n btel betalen drie mudde grauwer erwete(n) / en(de) drie mudde veetse(n) die hem die selve he(re)n leenden ten innegaen van / syne(n) t(er)mine en(de) es vorweerde dat die voirscr(even) he(re)n tvoirs(creven) hoff en(de) / goede vry houden selen den voirs(creven) t(er)mijn dueren(de) sonder arghelist / It(em) sal die voirscr(even) amelijs houden sijne(n) t(er)mijn duerende de voirscr(even) / mole(n) en(de) voirslach vander molen van alle(n) werke uutghenomen / trat de molensteene de pyle dbynne(n) rat en(de) den molenboem En(de) es / te weten(e) als vand(en) voirslaghe dat amelijs dair af betale(n) sal die / dachuere en(de) den cost vanden wercklieden om den water syne(n) vryen / loep te hebben en(de) sijn gheleye op de voirscr(even) mole(n) behouwelijck oft / overtuldech vloet quame dat niet ghescien en moet soe en soude / amelijs dair inne niet ghehouden sijn welke voirwerde(n) en(de) / co(n)dicien alle en(de) yeghewelke voirscr(even) die voirscr(even) h(er) wout(er) vand(er) tomme(n) / als mechtich van des voirscr(even) goidshuys wege(n) in deen zijde en(de) de voirscr(even) / amelijs in dande(re) gheloeft hebbe(n) malcande(re)n vast en(de) ghestedich te / houden en(de) te voldoen tallen tijde alsy verscyne(n) en(de) vallen sulle(n) en(de) / telke(n) t(er)mijn als vervolgde schout H(ier) ware(n) over joes absoloens / en(de) andries van voshem scepen(en)van love(n) sessentwintich daghe in / junio int jair ons he(re)n duysent vierhondert seve(n) en(de) dertich /et habuit q(ue)rel(as) hiis int(er)f(uerunt) lomb(ar)t velde oct(obris) xxix