It(em) want gheert van dieve(n) en(de) wout(er) tyechele(re) die geleydt/ sijn tot allen den goeden have en(de) erve jans van gheele en(de)/ katheline(n) wijlen sijns wijfs opden dach van heden hadde/ doen inscrive(n) woute(re)n van belanden(en) welke wout(er) ten/ scriven(en) vand(er) stad van loven(en) af gedaen hadde trastement/ ten verzueke van hem aen alle de voirscr(even) [goeden] gedaen mids/ den welke(n) want dat ongebruyck afgedaen wae(re) die voirs(creven)/ geert en(de) wout(er) wael te vrede(n) wae(re)n want zij alsoe in/ negheene(n) gebreke en(de) wae(re)n maer waert alsoe dat de/ voirs(creven) wout(er) van belanden(en) yet aenspreken woude dat hij dat/ dade mette(n) rechte Waer op wout(er) van belanden(en) antw(er)de/ dat hij d(aer) niet aenspreken en soude het en wae(re) dat/ gheert en(de) wout(er) voirs(creven) zund(er)linghe noemde(n) de goede/ met hae(re)n reyngenoete(n) wae(re) aen henm onghebruyck ghesciede/ soe dat de scepen(en) van loeven(en) gewijst hebben voir een/ vo(n)nisse dat die ghene die inghebreke wae(re) aenspreken/ mochte cor(am) opp(endorp) rijke abs(oloens) ov(er)wynge vynck(enbosch) wynge/ feb(ruarii) xi
//