Item es vorwerde en(de) ond(er)sproken dat de voirs(creven) guedinge sal blive(n)/ liggende onder scepen(en) van loven(en) tot behoef des voirs(creven) h(ere)n/ jans om dair mede te v(er)volgen de voirs(creven) renten alsoe lange/ als hij leve(n) sal en(de) anders niet ten t(er)mijne(n) bove(n) bescreven/ behoudeliken dien want de voirs(creven) h(er) vrancke den voirscr(even)/ h(ere)n janne tandwerpen oft tande(re)n plaetsen gelike vesticheit/ der voirs(creven) renten gedaen heeft oft de selve h(er) vranc oft/ sijn voirg(enoemde) goede mids macht van dien brieven ghepraemt/ worde(n) oft bedwongen betalinge te doen en(de) dat oppenbairlijc/ ghethoent en(de) bijbracht worde dat [men] dan den voirs(creven) h(ere)n ja(n)ne/ gheen behulp mett(er) voirs(creven) guedinge jegen alsulken betaelden/ renten doen en sal cor(am) eisd(em)
//