Item want op heden come(n) sijn voir den raide vander stad arnt merre alse/ naeste levende jannes wilen smet wonen(de) inden hase ter eenre sijden en(de)/ stas roelofs beckere die met scepen(en) brieve(n) van loeven(en) geleidt es tot alle/ den goede(n) have en(de) erve des voirs(creven) jannes ter ande(re) aldair de voirs(creven) arnt/ opdede dat hij de voirs(creven) scepen(en) brieve den voirs(creven) stasse ter goeder trouwe/ hadde(n) in hoeden gegeve(n) begheren(de) die wedero(m)me in sijne(n) hande(n) te hebbe(n)?/ Op dwelc de voirs(creven) stas antworde en(de) seide dat de voirs(creven) arnt hem/ sculdich was i silvere(n) scale en(de) v grijpe(n) van geleende(n) goede die hij/ den voirs(creven) wile(n) jannese geleendt hadde Seggen(de) voirt dat hij voir/ den voirs(creven) jannese en(de) arnde stonde en(de) gehoude(n) ware te div(er)sen plaetse/ en(de) alrehande p(er)soen(en) Seggen(de) voirt dat de voirs(creven) aert hem toegeseegt/ hadde en(de) gegeve(n) eene(n) hof met eene(n) dofhuyse en(de) soe wa(n)neer hij/ dair af volsciede soe p(rese)nteerde hij de(n) voirs(creven) arnde de voirs(creven) brieve/ weder te geven(de) hopen(de) d(aer) mede te gestaen Soe heeft de stad beyde/ de p(ar)tien aengehoert get(er)mineert voir reden(en) en(de) recht dat de voirs(creven)/ stas de voirs(creven) brieve bringe(n) sal onder de stad en(de) dat den voirs(creven) stas/ worde(n) selen vernuecht de voirs(creven) scale en(de) v gripe(n) en(de) soe wes de/ voirs(creven) stas duechdelijc can bewijse(n) dat hij voir de(n) voirs(creven) jannese/ of arnde steet dat hij d(aer) af gelost sal worde(n) en(de) hem d(aer) toe/ mette(n) beleide mogen behulpen en(de) voirt alse vander gelofte/ vande(n) voirs(creven) hove sette de stad beide de p(ar)tien inde banc voir/ meye(r) en(de) scepen(en) van loeven(en) recht te nemen en(de) te gheve(n) Actu(m) in/ pleno consilio maii xix
//