Item want de diene(re)n she(re)n van croy aengetast hebben janne gherve van/ bossut voir broecken dieme(n) hem eysschen(de) es en(de) dien gevangen/ gesedt tot vaelbeke bynne(n) den slote des he(re)n van croy voirscr(even)/ Soe eest dat comen sijn voir scepen(en) van loven(e) jehan le tentenier/ en(de) jan lorain van nethen(en) en(de) hebben geloeft [onbezundert] dat zij den voirs(creven)/ janne gherve die van sijnre hachte(n) ontslagen es t(er) manissen der/ h(ere)n anthonijs he(re) van croy en(de) meest(er) jans ostonis oft des eens/ van hen bringen sele(n) en(de) leve(re)n gevangen inder gevanckenissen/ voirs(creven) tot allen den rechte dat die nu sitd om alsdan rechts te/ plegen en(de) te v(er)beyden t(er) plaetsen dair dat behoe(re)n en(de) oft zij/ des niet en daden eve(n)v(er)re de selve jan levende wae(r) dat zij/ dair voe(r) betalen sele(n) de so(m)me van xl gul(den) rijd(er)s of selve/

voldoen tghene des trecht als v(er)volghde schout rike vynck/ maii xx