SAL7336, Act: R°220.1 (281 of 489)
Search Act
previous | next
Act R°220.1  
Act

Transcription

2020-03-06 by Kristiaan Magnus
It(em) want henric van bierbeke die geleit es totten havelike(n) goede(n)/
jans van bierbeke soen gielijs op heden hadde doen inscriven gelden/
heyberch die hem aen so(m)mige vand(er) voirs(creven) have ongebruyc dede inde(n)/
yersten aen iiii p(er)de ene(n) wagen ii ploege ii eghden een welle vii/
stucken horen vees dies wae(re)n de vive coeyen en(de) ii calvere It(em) aen/
xviiii scape ii en(de) lviii scape aen v bedden gestoffeert als dair toe/
behoert aen ond(er)halve dosine cussen(en) ii scrine(n) ii grote dessche ene(n)/
cleyne(n) desch aen sidelen bencke(n) en(de) stoele ii[c] ellen linnen lakens/
v ee(re)n potten ene(n) groten ketel iiii cleyne ketelen iiii pannen/
ii dosine(n) tynne(n) scotelen ii wijn potten een tieke van iii ellen It(em) aen/
lxxxvi guld(en) rijders It(em) aen stasse spechs xviii rijd(er)s aen henricke/
vande(n) borchove(n) lxx rijd(er)s en(de) vii mudde corens aen woute(re)n/
absoloens xxx rijders en(de) iii mudde corens aen h(er) calentijns/
xv rijd(er)s en(de) i(½) mudde corens It(em) noch aen een dosine dobbe/
lie(re)n Tot welken dage de voirs(creven) gelden niet en qua(m)/
alsoe dat de he(re)n scepen(en) van loven(en) t(er) manissen smeyers/
gewijst hebben voir een vo(n)nisse datmen den voirs(creven) henricke/
vande(n) voirs(creven) have(n) houde(n) sal in sine(n) beleyde alsoe v(er)re/
noch voir scepen(en) comen wae(re) cor(am) abs(oloens) pynnoc wijtvliet/
vync lynt(re) prijke(re) febr(uarii) vi[ta]
ContributorsMarika Ceunen , Mi-Je Van Gils
Moderated byMi-Je Van Gils
Add. 1 [Linkermarge]
LanguageNederlands

Transcription

2020-03-06 by Kristiaan Magnus
It(em) inder selver vorme(n) es gewesen opte(n) dach van hede(n) datme(n) henr(ic) houde(n) sal i(n) sijne/
beleide Actu(m) cora(m) omnib(us) excepto vynck febr(uarii) xv
ContributorsMarika Ceunen , Mi-Je Van Gils
Moderated byMi-Je Van Gils
Last update: 2012-12-28 by Sabrina Keyaerts