It(em) want jannes vande(n) hove die cornelize vande(n) brande hadde doen/ zeke(re)n met der roede(n) van antwerpe(n) om des wille zo die voirscr(even)/ cornelijs meynt dat die selve cornelijs die gheleyt es tot den goede(n)/ vranckx van cuyck die selve goede hantplichte in deen zijde en(de)/ cornelijs vande(n) bra(n)de in dande(re) op de(n) dach van hede(n) come(n) sijn voir/ den rade der stat van lov(en) daer die voirscr(even) cornelijs begheerde/ alsulke(n) sekeringhe(n) en(de) vorderinghe(n) alse ten verzueke jannes voirscr(even)/ op hem tantw(er)pen ghedaen wae(re)n byde(n) selve(n) ja(n)nese afghedaen te w(er)de(n)/ en(de) oic dair mede niet meer vervolgt te werden(e) mitds reden(en) die/ die selve cornelijs daer toe allegeerde waer o(m)me hem dat bullike(n)/ byllike(n) sculdich waer te gheschiede(n) zo hij meynde waer op die voirscr(even)/ jannes antw(er)de bij zeke(re)n reden(en) die hem daer toe dienen(de) dachten dat/ de voirscr(even) vorderinghe gheheel af te leggen noch in toecomen(de) tijde(n)/ daer mede niet te moghe(n) vervolge(n) hem niet wael doenlijck/ en wae(re) nochtan ten uuytst uuytersten die voirscr(even) jannes berade(n)/ sijnde gheloefde voir den rade die voirscr(even) vorderinge(n) af te doene/ en(de) daer met niet vort te varen tot d(er)re tijt toe dat die stede/ lov(en) en(de) antw(er)pen te s van dier materien te same(n) ghesproke(n) en(de)/ ghet(er)mineert sulle(n) hebbe(n) wes inder voirscr(even) zake(n) sculdich sal sijn/ te schiede(n) en(de) tot wat plaetse(n) dat behore(n) sal Gheloven(de) oic die/ voirscr(even) cornelijs met sine(n) live en(de) goede voirscr(even) te doene des byde(n)/ voirscr(even) steden doenlijck ghet(er)mineert sal worde(n) en(de) oic tot dier/ plaetse(n) daer mede te rechte te comen jeg(en) ja(n)nese voirscr(even) daer/ dat byde(n) selve(n) stede(n) ghet(er)mineert sal worde(n) en(de) ten daghe/ die daer toe byde selve ghenoempt sal worde(n) Actu(m) cor(am) ludovico/ rijke burgim(a)g(ist)ro mychaele abs(oloens) et q(uod) plu(ri)mus? aliis de (con)silio januarii xiiii
//