Cont zij allen lieden dat arnt van oirbeke molde(r) in jegewoirdich(eit) d(er)/ scepen(en) van loven(en) gestaen heeft genome(n) en(de) bekent dat hij genome(n) heeft/ van he(re)n woute(re)n van hugarden proefst scloest(er)s van gempe den molen/ te gempe met alle(n) zijne(n) toebehoirte(n) toebehoe(re)nde den voirscr(even) cloeste(re) te/ houden en(de) te hebben van sint jans misse baptiste(n) naestcomen(de) ene(n) t(er)mijn/ van iii jae(re)n langk deen nae dande(r) sonder middel volgen(de) elx jairs/ dae(re)n bynne(n) om xxix(½) mudde core(n)s goet en(de) payabel te weten/ alle weken ix mol(evate) en(de) iiii mol(evate) core(n)s eens ov(er) al alsulke(n) als de/ voirs(creven) molen(en) wynne(n) sal te betalen den voirs(creven) t(er)mijn due(re)nde en(de)/ telken t(er)mijne als vervolghde scout op alsulke condicie dat hij/ alle tgodsh(uys) core(n) datme(n) dair slijten sal malen sal wel en(de) loflic en(de)/ goet meel leve(re)n sonder e(n)nich molcht(er) dair af te hebben ende/ dat sal hij mette(n) gewichte ontfaen en(de) alsoe swaer dmeel weder/ om leve(re)n Mair des sal hem tgodsh(uys) afcorte(n) van zijne(n) pachte voirs(creven)/ van elke(n) mudde core(n)s dat hij alsoe gemale(n) sal hebben een molevat/ core(n)s Ite(m) desgelix sal hij oic malen alle dmout tsgodh(uys) voirscr(even)/ oic sonder e(n)nich molcht(er) mair des sal hij hebben van elke(n) mudde/ mouts een gelte biers Ite(m) sal de voirs(creven) molde(r) de voirs(creven) molen houde(n)/voirs(creven) van ca(m)men van spillen en(de) van smere en(de) oft e(n)nich scade gesciede/ aen thoutwerc yserwerc oft oic aen de steene bij versuemenissen/ des voirs(creven) molders dat soude hij den godsh(uys) oprichte(n) It(em) es oic voir/ weerde alsmen den wuwe(re) aldair veschen sal oft dair inne w(er)cke(n)/ alsoe dat dwat(er) af sal zijn soe [sal] tvoirs(creven) godsh(uys) den voirs(creven) molde(r) afslach/sal doen nae gelande van zijne(n) pachte voirs(creven) tott(er) tijt dat de/ wuwer soe vol sal zijn dat dwat(er) dair af op de moelen comen/ mach It(em) de iiii beelen [die] den voirs(creven) molde(r) van des voirs(creven) godshuys wege(n)/ gelevert zijn in sijne(n) incomen(e) sal hij weder leve(re)n te zijne(n) uutgaen/ Inde su(n)t fideiusso(r)es d(i)c(t)i arnold(i) t(am)q(uam) p(ri)ncipal(es) debit(ores) insolid(e) et/ ind(ivisim) wolfard[(us)] de fuyck mychael van loke d(i)c(t)us bubbele(re) multo(r)es/ et arnold[(us)] annema(n)s d(i)c(tus) de oirbeke [p(ate)r d(i)c(t)i arnoldi] et henric(us) straetman d(i)c(tus)/ pijlyser Et p(ri)[(us)] roel(ants) pryke(re) maii xix