It(em) jan ha(n)narde die uut machte van scepen(en) brieven/ van loven(e) geleit en(de) comen is tot allen den omberuerlik(en)/ en(de) erfgoeden gielijs wilen va(n) bonler joncffr(ouwen) agnees(en)/ van bronsberge baudewijns smale en(de) joncffr(ouwen) kat(linen)/ zijns wijfs docht(er) des voirg(enoemde) wilen giel(ijs) en(de) joncffr(ouwen)/ agneesen heeft openbairlic quijtgeschouden de/ macht va(n) sinen voirs(creven) beleide vanden goede(n) h(ier)/ en(de) rechten h(ier) na verclaert te weten tot der/ heerlich(eit) en(de) rechten dat dond(er)seten vande(n) lande/ van rous miroir met allen hue(re)n aenhangen(en) en(de)/ toebehoirten sond(er) consent der voirg(enoemde) p(er)sone hue(r)/ coren en(de) grain hoedanich dat was elswair dan/ inde molen tot dongelberghe t(er) plaetsen geheten/ fay sonder brueken malen en mochten ende/ desgelijx dat gheen moln(er)e van buten den voirs(creven)/ landen bynnen den selven landen ond(er) dond(er)seten/ ald(aer) sond(er) consent d(er) selv(er) p(er)sonen coe(re)n halen/ malen noch wed(er)om bringen en mochten bekennen(de)/ de voirs(creven) jan hem inde voirs(creven) saken egheen/ recht te hebben H(ier) wae(re)n ov(er) h(er) loduweijck py(n)noc/ ridder en(de) loduweijck de rijke scepen(en) van lov(en) nove(m)br(is) xxii