Item want cles [claus] de beye(re) van bruessele inde herberge int swert te loven(en)/ inde p(roe)sstrate jans zele(n) [zedele(re)] tsyongen geset heeft een pert dwelc jan van stalle/ van tienen bescheyen [besclage(n)] hadde metten rechte mids eenige schout die/ de voirs(creven) claes die beye(re) den voirs(creven) janne van stalle sculdich was also/ de selve jan meinde ende jan van weert die men heet beerem/ tselve pert gecocht heeft jegen den voirs(creven) claes den beye(re) ende dair/ na die voirs(creven) jan vanden stalle tvoirs(creven) beslach vanden voirs(creven) perte quit/ geschouwen heeft soe en woude ochtan die voirs(creven) jan zedele tvoirs(creven)/ pert den voirs(creven) ja(n)ne van weert niet ov(er)gheven mids dien dat/ die voirs(creven) cales de beye(re) niet jegenwoirdich en was en(de) zijn concent/ dair doe gave o(m)me dat die selve claes tvoirs(creven) peert in sijn herb(er)ge/ brachte en(de) geseedt hadde het en ware dat hem de burg(er)meest(er)/ dat bevale ende oft gebuerde dat de selve jan zedele(re) eenich cost/ oft hynd(er) vanden voirs(creven) clase de beye(re) mids dat hijt voirs(creven) peert ov(er)ge/ ven hadde dat de voirs(creven) jan die weert dair af hem gheloven/ soude scadeloes te houden welke de voirs(creven) jan van weert gheloeft/ heeft ander voir andriese van voshem burg(er)meest(er) en(de) meer/ ande(re) vanden raide ende dair op beval die selve burg(er)meester/ den voirs(creven) ja(n)ne die sedele(re) dat hij den voirs(creven) ja(n)ne van weert/ tvoirs(creven) peert ov(er)geve Act(um) novembr(is) xi
//