It(em) laureys van raetshoven meye(r) vand(er) gheeten ende jan lamb(er)t van/ geldenaken sijn swager in yegewoirdicheiden der scepen(en) van loven(e) gestaen/ hebben gegeve(n) ende verhuert m(ar)tijn soen henrix wilen m(ar)tin van ev(er)nas/ de goede hier na bescreve(n) gelegen tot ev(er)nas le bauduwijn/ Inden yersten v dachmael lants gelegen opt velt tusschen thiene(n)/ bij ha(n)nut en(de) ev(er)nas tusschen de goeden der he(re)n van sente/ lambrechts te ludick en(de) he(re)n willems van halley ridders It(em)/ xxii groet roeden lants gelegen aldair tusschen de goeden anceal/ van halley en(de) de goeden des aultaers jans van bruloe/ It(em) ix groet roeden lants gelegen aldair tusschen de goede(n) jans/ godfroit en(de) stasse van halley Item een boend(er) lants gelegen opt/ velt te b(er)treys w(er)t tusschen de goeden der erfgename(n) arnts wilen/ jenno soen wilen jans ende de goede der cap(it)len van hoxhem/ Te houden te hebben ende te besitten van sente andriesmisse/ naest comen(de) ene(n) t(er)mijn van sesse jae(re)n lang deen na dand(er)/ sond(er) middel volgende o(m)me en(de) vore een zeke(r) so(m)me van/ gelde dair af de voirs(creven) laureys van raetshoven en(de) jan lamb(er)t/ bekent hebben dat hen vande(n) voirs(creven) m(ar)tine betalinge en(de) genoech/ gesciet es Geloven(de) de voirg(enoemde) laureys en(de) jan den voirs(creven)/ t(er)mijn due(re)nde en(de) tegen ene(n) yegeliken gerecht warant te sine/ opp(endorp) vynck(enbosch) febr(uarii) xxv