Van janne van hug(ar)den/ Tvo(n)nisse tussce(n) janne van hug(ar)den en(de) m(ar)griete(n) zijne(n) wive in/ deen zijde ende joncffr(ouwe) yde baten in dande(re) alse van ene(n) huse/ geheten den wilde man staende inde legestrate opden hornick/ vand(er) merct tusscen dwelc die voirs(creven) m(ar)gr(ieten) der voirscr(even)/ yden verhuert heeft van nu sint jans misse naestcomen(de) over/ twe jae(re)n lang elx jairs om twe [vi] pet(er)s behoudelic dat zij/ van desen dage voirt tot sint jans misse naestcomen(de) om/ ene(n) halve(n) pet(er) soude mogen d(aer) inne woene(n) in alsulker/ vuegen en(de) condicien oft de voirs(creven) yde tvoirs(creven) huys yema(n)de/ and(er)s voirt verhue(re)n woude dat zij dat niet en soude/ moegen doen zij en hadde tyerst dat der voirg(enoemde) m(ar)g(rieten)/ gep(rese)nteert om dat selve huys te huerw(er)t te neme(n) oft hue(r) geliefde/ en(de) oft hue(r) des niet en geliefde soe soude yde voirs(creven) tselve/ huys moete(n) behouden oft van hue(re)r hant moegen verhue(re)n/ gelijc jan ende m(ar)griete voirs(creven) dat wettelijc bethoende(n) es/ gewijst met desen woirden dat de voirs(creven) yde gehoude(n) sal/ zijn inder hueringen voirs(creven) nae dat de warh(eit) gedragen/ heeft cora(m) eisd(em)/