Cont zij allen lieden dat andries van voshem nu t(er) tijt borg(er)meest(er) en(de) willem lomb(ar)t raet/ der stat van loven(en) alse segge(re)n gecoe(re)n en(de) ghenomen van denijze boys en(de) m(ar)grieten/ sine(n) wive vranc van dieven en(de) jan van osellingen meye(r) tot comptich alse/ vrientlijc effene(re)n genomen van willem van kuycken en(de) katline(n) sine(n) wive docht(er)/ des voirs(creven) denijs en(de) m(ar)griete(n) weduwe jans wilen vand(er) bruggen op alle/ alsulken gescillen en(de) gebreken alse de voirs(creven) willem en(de) sijn wijf ten voirscr(even)/ denijze w(er)t en(de) sine(n) wive meynden te hebben alse van huweliker/ vorwerden en(de) ande(re)n div(er)sen saken hoedanich die wae(re)n [tot] op den dach van heden/ wesende en(de) uutstaende sijn comen dair af de voirs(creven) p(ar)tien hen/ behoirlic voir scepen(en) hebben gesubmitteert sijn comen voir scepen(en)/ van loven(en) hier na genoempt ende hebben hue(re) uutsprake yerst/ aengehoirt eyssche v(er)andwerden allegacien thonissen en(de) allet besceit dat/ elc vand(er) voirs(creven) p(ar)tien dair op heeft willen ov(er)geven oft bij bringen gedaen/ en(de) ghepronu(n)cieert inder manie(re)n hier na volgen(de) Inden yersten/ alse vande(n) twee francke(n) die de voirs(creven) willem en(de) sijn wijf eysschen vanden/ voirs(creven) denijze en(de) sine(n) wive erflic bewijst te werden es hue(re) uutsprake/ dat de selve denijs en(de) sijn wijf den voirs(creven) willem(me) en(de) sine(n) wive vestich(eit)/ doen sele(n) van ii francke(n) van goude erflic na inhoude(n) der huweliker/ vorwerde(n) te hebben en(de) te heffen na des sef selfs denijs en(de) sijns wijfs doot en(de)/[niet eer] oft alsdan in te bringen eve(n) v(er)re hzij inde goede des selfs denijs deilen/ willen en(de) de voirs(creven) willem sal na begrijp sijns wijfs huwelik(er) vorw(er)den/ twee francke(n) jairlijx heffen op te woni(n)ge jans van bolgry bynne(n) loven(en)/ gelegen alsoe lange als de voirs(creven) denijs en(de) sijn wijf zelen leven It(em) opt/ poent vande(n) x mudden rox lijftochten [xxv mudde(n) rox en(de) iiii rijd(er)s eens] die de voirs(creven) willem en(de) sijn wijf/ beghe(re)n bewijst te hebben [en(de) betaelt] es der voirs(creven) seggers uutsprake da na de bewise(n)nisse(n)/ die de voirs(creven) denijs en(de) sijn wijf d(aer) af gedaen hebben dat de selve denijs en(de)/ sijn wijf d(aer) af ongehoude(n) sele(n) sijn It(em) alse vand(er) leveringen vande(n) wijng(ar)de/ die de voirs(creven) [willem] meynt dat sine(n) wive te huwelijc gegeve(n) soude sijn es huer/ seggen want de huwelike vorwerde begrepe(n) heeft ene(n)twintich roede(n)/ wijng(ar)ts en(de) de voirs(creven) wilen jan met sine(n) wive die aenveert heeft dat d(aer)/ o(m)me de selve denijs en(de) sijn wijf van dien ongehoude(n) selen sijn It(em) alse/ vand(er) haven die de voirs(creven) willem en(de) sijn wijf eysscen(de) sijn es hue(re) uutsprake/ na den eedt die dair af na dov(er)geve(n) des voirs(creven) willems gedaen es dat de/ voirs(creven) denijs en(de) sijn wijf den voirs(creven) willem(me) leve(re)n selen een sarge tot enen/ bedde viii derdalver ellen en(de) oic een sarge mett(er) wapene(n) des voirs(creven) denijs en(de)/ sijns wijfs eve(n) v(er)re de voirs(creven) willem hen restitueert ene(n) glasanden
//
tapijt den welken jan wilen vand(er) bruggen en(de) sijn wijf voirs(creven) voir de selve/ sarge mett(er) wapene(n) in handen hadden en(de) behielden [en(de) vanden ande(re)n ongehouden zijn] It(em) alse van/ dat de voirs(creven) willem eyscht thuys geheten de rose na inhebben/ der voirs(creven) huweliker vorwerden goet gedaen te hebben sesthien rijnsch/ gulden(en) erflic es der voirs(creven) vier segge(re)n uutsprake want zij/ openbairlijc bevinde(n) dat tselve huys voir den huwelijc tusschen/ den voirs(creven) wile(n) janne en(de) sine(n) wive gemaect jairlij en(de) oic dair/ na jairlijx gondt xviii rijnsch(en) gulden en(de) de selve jan/ tvoirs(creven) huys grotelijc heeft gheargert en(de) niet van reparatien/ gehouden dat dair o(m)me de voirs(creven) denijs en(de) sijn wijf van dien/ goetdoene ongehoude(n) sele(n) sijn bij alsoe dat de selve denijs en(de)/ sijn wijf den voirs(creven) willem(me) en(de) sine(n) wive geven selen ene(n) t(er)mijn/ van xii jae(re)n lang due(re)nde ingaende tsinte ja(n)smisse lestlede(n)/ elx jaers twee gulden rijnsch(en) oft de weerde d(aer) af op dat/ de selve denijs en(de) sijn wijf oft deen van hen dien tijt beleefden/ mair oft zij beyde eer aflivich werden dat dan hue(re) nacomelinge(n)/ van des dan d(aer) af ongevallen soude wezen ongehouden selen sijn En(de)/ mids desen hebben de voirs(creven) seggers voirt v(er)cleert dat de voirs(creven) p(ar)tien/ van allen saken gesleten en(de) v(er)enicht selen sijn sonder dat deen den ande(re)n/ d(aer) o(m)me in toecomen(de) tiden yet vord(er) moyen sal mogen oft aenspreken/ in ghene(n) rechte gheestelic noch weerlijc rike velde aug(usti)/ iiii[ta]
//