It(em) want tonnis tussche(n) lantslot serveir die geleyt es tot alle(n) den/ goede(n) have en(de) erve jans van boechout in deen zijde en(de) joffr(ouwe) lijsbeth/ van wittersijs weduwe des selfs jans van boechout en(de) h(er) janne/ spremont priest(er) in dande(re) als van zeke(re)n onthaven(e) pacht die/ de voirscr(even) wile(n) h(er) jan van boechout den voirg(enoemde) h(er) janne van/ spremont onthave(n) soude hebbe(n) den welke(n) [pacht] die selve h(er) jan aen de/ have die bleve(n) es na de doet jans wile(n) van boechout verhale(n)/ woude es ghewijst met dese(n) woirden datme(n) den voirg(enoemde)/ lantslot houde(n) sal in sijne(n) beleyde also v(er)re dat noch voir de/ hee(re)n come(n) es En(de) heeft die voirscr(even) joffr(ouwe) en(de) h(er) jan yet te/ vervolge(n) dat sij dat doen moge(n) met den rechte opp(endorp) rijke/ kersmake(re) vynck(enbosch) velde nove(m)br(is) xxiiii
//