Van lodewijcke vande(n) poele en(de)/ janne de greeve/ Tvo(n)nisse tusschen lodewijcke vande(n) poele in deen zijde en(de)/ janne de greve voirg(enoemd) in dande(re) alse vande(n) coste van/ rechte die de voirs(creven) lodewijck den voirs(creven) janne eysschen(de) was/ van daty hij biden meye(r) van libbeke ten v(er)sueke vander stad te/ loven(en) inne bracht was dar voir gebrec dat de voirs(creven) lod(ewijc)/ ten voirs(creven) janne w(er)t hadde dair af de selve lodewijc den/ oncost hadde v(er)leeght en(de) hiesch wed(er) te hebben(e) mids dien/ dat na den voirs(creven) inbringen met rechte bevonden es den ja(n)ne/ ten tide vande(n) inhalen niet voldaen te hebben es gewijst/ met desen woirden dat de voirs(creven) jan den voirs(creven) lodewijcke den/ voirs(creven) cost van inhalen den welken gedroegh xxxvi stuvers/ opleggen en(de) betalen sal p(rese)nt(ibus) pynnoc opp(endorp) rike kersmake(re)/ velde vynck(enbosch) willem(air) julii vii
//