It(em) tvonnis tussche(n) laureyse de smet van putchey in deen zijde/ en(de) joffr(ouwe) marie weduwe hubrechts wile(n) van putchey als/

vander have(n) hier na bescreve(n) die na den rechte der stat van/ lov(en) come(n) en(de) geleyt es tot alle(n) den goede(n) en(de) erve petri/ zone wile(n) henrix van blehain als vander have(n) hier na bescreve(n)/ Te weten(e) xii mudde gersten c en(de) xl schove zo crocke(n) zo erwete(n)/ It(em) viii bussele(n) hoys xii[c] walme(re)n daer af iii[c] betaelt sijn/ welke have die voirg(enoemde) peter den voirg(enoemde) laureyse geleynt hadde/ ten tijden als hij thof des selfs peters ghelege(n) tot putchey/ in pachtinge(n) nam en(de) welke have hij bekynt hadde der voirg(enoemde)/ / joffr(ouwe) marien sculdich te sine als die tot den voirscr(even) goede(n) met den/ rechte der stat van lov(en) come(n) was sculdich te sine en(de) haer daer op/ betalinge gedaen hadde gelijck sij met goede(n) ma(n)ne(n) clairlike(n)/ thoende Es gewijst met dese(n) woirde(n) dat die voirscr(even) laureyse/ ghehoude(n) sal sijn der voirg(enoemde) joffr(ouwe) vander voirg(eruerde) geleender have(n)/ betalinge te doene oft bewisenisse(n) van betalinge(n) cor(am) pij(n)noc/ opp(endorp) kersmake(re) velde vynck(enbosch) febr(uarii) ult(ima)