It(em) willem goetkneckts van betheke(m) in jeg(ewordicheit) etc(etera) heeft genome(n) en(de)/ bekynt dat hij genome(n) heeft jeg(en) janne sampsoens ene(n) beempt/ des selfs jans gelege(n) te bethekem ter plaetse(n) gehete(n) ten ynde te/ houden(e) en(de) te etten(e) van halfmerte sinte merte(n)s misse lestlede(n) ene(n) t(er)mijn/ van ii jaren lanck sonder middel daer na volgen(de) elx jaers daer/ in bynne(n) voir en(de) o(m)me xviii guld(en) hollan(sche) sinte m(er)te(n)s misse te betalen(e)/ en(de) te lov(en) te leve(re)n alle jae(re) den voirscr(even) t(er)mijn duren(de) en(de) telke(n) t(er)mine/ als vervolgde schout En(de) es vorwairde dat de voirscr(even) wille(m)/ den voirscr(even) beempt wel en(de) loffelike(n) bevrede(n) sal ten behoirlike(n) tijde(n)/ op sine(n) cost behoudelike(n) dat hij daer toe truncke(n) sal moge(n) de willege(n)/ op de(n) voirscr(even) beempt staende en(de) de loke daer af neme(n) en(de) alle/ pote(n) daer af comen(de) sal hij moete(n) sette(n) aen de(n) voirscr(even) beempt ten/ meeste(n) p(ro)fite pynnoc willem(air) april(is) xv/