Van janne van raetshoven/ It(em) want bijden raide vander stad van loven(en) jan van raetshove(n)/ in deen zijde ende henric de rijke na(tuer)lic in dande(re) van alsulken stoete/ alse zij zunderlinghe hadden vander herberghen gelegen inde hoelstrate/ geheten den guldene(n) cop gesett wae(re)n daer af voe(r) meye(r) en(de) scepen(en) rechts/ te plegen soe es de voirs(creven) jan dien acht(er)volgen(de) geweest en(de) hem/ aldair tegen den voirg(enoemde) henr(ic) gep(rese)nteert met eenre goedingen/ uut den beleyde die hij inden rechte dede lesen dair mede hij inde/ voirs(creven) herberge gegoet en(de) geerft was int jair ons he(re)n dusent/ vierhondert en(de) thien xiiii dage in januario ende de voirs(creven) henr(ic)/ inde voirs(creven) banc niet comen en es hoe wale de voirs(creven) jan hem/ aldair verbeydt heeft den ene(n) dach voe(r) den ande(re)n dach nae den/ derden ende den vierden Soe hebben de scepen(en) van loven(en) opden/ dach van heden gewesen voe(r) een vo(n)nisse datme(n) den voirs(creven) jan/ van raetshove(n) vanden voirs(creven) goeden houden sal in sijnre goedingen/ alsoe verre alst noch voe(r) hen comen es cor(am) pynnoc opp(endorp) rijke/ kersmake(re) velde vynck(enbosch) willem(air) maii xxv/