SAL7338, Act: R°205.3 (248 of 519)
Search Act
previous | next
Act R°205.3  
Act
Date: 1443-12-16

Transcription

2019-12-05 by Roger Morias
Item op de gescillen staende tusschen daneele van uthem in deen zijde zijde ende arnde/
de smet poerte(r) van loven(e) in dande(re) alse vander geloften die de voirs(creven) arnt met/
janne zijne soen den voirs(creven) daneele en(de) pete(re)n vanden vynne voe(r) scepene(n) van loven(e)/
gedaen hadden tontheffen ende warant te sijne vande(n) vii(½) pet(ers) die de voirs(creven) daneel/
ende peter den voirs(creven) janne den smet geloft hadden van weghen jorijs ve(re)nstene(re)n welke/
geloeften van waranscape de voirs(creven) arnt te nyeute meynde te hebben aengesien dat hij/
degheheel sake dan af den voirs(creven) pete(re)n gecuelt hadde Dairaf de voirs(creven) daneel de contraire/
meynde bij dien dat hij hem beducht belast te worden(e) van vroentcoste aen daneele vande(n)/
hoernicke in diens vroente dat hij om der voirs(creven) saken wille geteert hadde Es ghetermineert/
dat de voirs(creven) geloefte van waranscape te nyeute sijn sal Bij alsoe dat de voirs(creven) arnt/
den voirs(creven) daneele opleggen sal den voirs(creven) vroentcrost evenverre hij dien met rechte/
verliest en(de) als hij dair af geport w(er)t sal hij den hijt den selven arnde condigen p(rese)n(ti)[b(us)] burg(imagistro) et aliis de consilio decembris xvi
Contributorskristiaan magnus
Moderated bykristiaan magnus
Last update: 2014-11-04 by Jos Jonckheer