Tvonnisse vanden gedinge hangende inde banc voe(r) meye(r) en(de)/ scepen(en) van loven(en) tusscen janne madee sone byas wijlen/ madee die na den rechte der stad van loven(en) comen ende beleyt/ es tot allen den goeden have en(de) erve berthelmeeus madea/ sone ghorijs wijlen madee in deen zijde ende robbeerde he(n)rix/ in dande(re) alse van drie punten hier na bescreven Te weten inde(n)/ yersten van ii[c] en(de) viii rijders die jan wijlen madee brueder/ des voirs(creven) berthelmeeus den voirg(enoemde) robben(en) uutgereyct hadde/ en(de) dair om ghecocht wae(re)n ii[c] en(de) twe mudden rox aen den/ abt van gemblours Item inden ande(re)n punte van v[c] peters die/ de voirs(creven) robben vanden voirg(enoemde) wijlen janne ontfangen heeft/ om haringen mede te copoen(e) Item vanden derden punte/ als van ii[c] rinsche gulden(en) die de selve robben oic ontfangen/ heeft vande(n) voirscr(even) wijlen janne om p(er)de mede te copene/ En(de) elc vande(n) voerg(enoemde) drie so(m)men ter wynni(n)gen en(de) ter/ verliese te staen(e) tusscen hen beyden Op welke punten/ de voirs(creven) jan madee kinde en(de) lijde dair op gehaven en(de)/ ontfangen te hebben(e) van robben(en) voirscr(even) de somme(n) hier/ ond(er) bescreven Te weten inden yersten iiii nobelen yng(elsche)/ It(em) ii[c] en(de) xx pet(er)s in alrehande mu(n)ten It(em) lxxx peters/ Item xii pet(er)s Item xxix pet(er)s Ite(m) xxiii peters Ite(m) xxix/ peters Item ene(n) gulen postelatus aende(n) lijcoop vande(n) coerne/ Item twe gulden(en) postelatus ii s(cellingen) ix d(enieren) brabants voir dmeten/ en(de) opdragen vanden selven coerne ende dese drie gulden(en) postel(atus)/ ii s(cellingen) ix d(enieren) salmen int ghemeyn afslaen vanden coerne Item hond(er)t/ rinsche gulden(en) Item twe pet(er)s voir dassijsen vanden perde/ en(de) voir jans gedeelte Seggende en(de) hopende de voirscr(even)/ jan dat hem robben henrix voirg(enoemd) tsurplus vanden voirscr(even)/ so(m)men opleggen en(de) betalen sal oft bewijsenissen van betalen(en)/ dair af doen want robben sint en(de) nae de doot jans wijlen/ madee gekent en(de) gelijdt hadde de voirs(creven) so(m)men van janne
//
wijlen madee ontfangen te hebben(e) dwelc hij boet te thoene(n) Seggen(de)/ voirt dat [de] voirs(creven) jan wijlen madee met vele meer ande(re) goede manne(n)/ gelijke hanteringen gehadt heeft en(de) hadde tott(er) tijt toe dat hij sterf/ en(de) dat een yegelijc van dien goeden manne(n) met hue(re)n prope(re)n/ rekeni(n)gen geheel en(de) al gheconcordeert hebben metten rekene/ boecke jans wijlen madee uutgescheiden alleen de voirs(creven) robben/ propone(re)nde de voirs(creven) jan vele ande(re) reden(en) en(de) stucken die/ tusscen den voirs(creven) wijlen ja(n)ne en(de) hem robbeerde gesciet ende/ gevallen waren groete suspicie en(de) gelijckenisse maken(de) tot dien/ dat de voirs(creven) robbeert int tsurplus vand(er) so(m)men voirscr(even) met rechte/ gehouden soude sijn Seggende oic mede wairt oic alsoe dat de/ voirs(creven) robbeert in zijn verantwoirden bieden woude zijn onscout/ te doen(e) met zijnre eed dat hij dair mede niet gestaen en soude/ moegen gemerct de reden(en) voirscr(even) te weten dat de voirs(creven) robbeert/ sint en(de) nae de doot des voirg(enoemde) wijlen jans gekent en(de) gelijdt/ heeft de voirs(creven) so(m)men ontfangen te hebben(e) Hopende d(air) om ten sloete/ wair hij zijns thoenisse volcomen mochte dat de voirs(creven) robbeert/ hem vanden voirs(creven) tsurplus betaling(en) doen soude oft bewisenisse/ van betalen(en) en(de) [dat] hij met zijnre eed inde(n) gevalle oft hij dien boede/ te doen(e) niet gestaen en soude Dair op de voirs(creven) robb(er)t antw(er)de(n)/ dede met zijne(n) gelev(er)den voirspreke ov(er)gheve(n)de een cedule d(air) inne/ de selve robb(er)t kinde den voirg(enoemde) wijlen ja(n)ne sculd(ich) te zijne lxxii/ rinsche gulden(en) vi(½) stuv(er)s x peters en(de) dat oic den selven janne/ toebehoirde de helcht vander scout uutstaende aen jonch(e)r bouden/ van glymez gedragen(de) int geheel ii[c] en(de) lx rinsche gulden(en)/ en(de) dat hij hem niet meer sculdich en ware des boet hij/ zijne(n) eed hopen(de) d(air) mede te gestaen de scepen(en) beraden zijnde/ wijsden den voirs(creven) janne tot zijne(n) thoenisse ten dage van thoenen/ thoende de voirscr(even) jan tgheen tghene des [hij] hem in sijnre aensprake(n)/ vermeten hadde Es ghewijst met desen woirden nae aensprake/ verantwoirden en(de) thoenisse dat de voirs(creven) robb(er)t den voirg(enoemde) ja(n)ne be/ talingen doen sal vanden drie punte(n) voirs(creven) oft bewisenisse van betal(ingen)/ Behoudelic dat he(m) te staden come(n) sal tghene des de voirs(creven) jan gekent heeft/ gehave(n) te hebben(e) en(de) des hij oic met twe goede ma(n)nen oft mette(n) ghenen die/ dat selve betaelt hebben bewijsen sal conne(n) p(rese)nt(ibus) lomb(ar)t lye(ming)[en] abs(oloens) vynck/ voshem dor(ma)le septembris xii/