It(em) op tco(m)promis genome(n) inde vier meest(ere)n wercliede(n) d(er) stad van/ loven(en) tussce(n) amelise van warin in deen zijde en(de) henricke coelne(re)/op [in] dande(r) hebben de selve vier meest(ere)n en(de) wercliede(n) te weten jan/ vand(er) brugge(n) willem(me) de beer jan keld(er)man en(de) lodewijc van/ hortbeke hue(r) uutsprake gedaen ind(er) manie(re)n h(ier)nae v(er)claert/ Te wete(n) dat de selve henric coelne(re) van nu voirtaen erflic/ voir he(m) en(de) zijne(n) erfgename(n) houde(n) sal de(n) muer vande(n) raemb(er)ge/ en(de) den thuyn oft vrede gaende vande(n) ho huysken des voirs(creven)/ melijs tot den selve(n) mure alsoe dat de selve melijs/ d(aer) bij wael gevreedt zijn moege ind(er) manie(re)n douwe erfbrieve/ die de voirs(creven) p(ar)tien d(aer)op in beide(n) zijde(n) hebben dat clairlijker/ uutwijsen ende als vande(n) huysken der voirs(creven) melijs dat/ inde rechte want der voirs(creven) henrix gheclamt geernt en(de)/ ghecoedt es es d(er) voirs(creven) vier meest(ere)n uutsprake mids/ die(n) dat zij vynde(n) dat tfondeersel en(de) de plate vand(er) recht(er)/ want wael steet een groet deel op derve des voirs(creven) melijs
//
dat de voirs(creven) henric die selve want oft ghevel alsoe hij [die] nu/ steet sal doen wel en(de) tamelijc maken en(de) rep(ar)aren van/ voer tot acht(er) alsoe lange alst tselve huysken d(aer) af de questie/ es strect alsoe dat de voirs(creven) melijs ende zijn erfgename(n)/ d(aer) met wel bevreedt moege wesen viii voete boven hoege/ bove(n) den hoff des voirs(creven) henrix en(de) alsoe hoege voirtaen/ erflic houde(n) wel en(de) tamelic op zijne(n) cost ende van/ dien viii voete(n) voirts ophe opweert selen de voirscr(even)/ henric en(de) melijs die selve want op hue(re)n gemeynen/ cost doen maken mair die gemaect zijnde salse de/ selve melijs van dan voirts erflic moete(n) houden sond(er)/ d(aer) inne ten erve weert des voirs(creven) henrix e(n)nige vynste(re)n/ oft liechtgate te behoude(n) altoes in alsulker vuegen oft/ de(n) voirs(creven) melijs die mids des(er) uutspraken tvoirs(creven) zijn huysken/ sond(er) dat af te breken behult geliefde tselve zijn huysken/ af te breken in tijde(n) toecomende dat hij dat sal moegen/ doen Mair dan soude de voirs(creven) henric coelne(re) de voirs(creven) want/ gehelic te hemw(er)t moege(n) neme(n) bij alsoe dat hij den vrede/ aldaer de want nu steet soude moete(n) doen maken en(de) dien/ in goede(n) state voirtaen houde(n) Es voirt der voirs(creven) meeste(re)n/ uutsprake dier d oft de(n) voirs(creven) henric coelne(re) in tijden toe/ comende wed(er)geliefde jege(n) de voirs(creven) want weder te tym(m)e(re)n/ dat hij dat sal moege(n) doen en(de) zijn platen en(de) zijn stijle dair/ inne erven sond(er) yemants wederseggen mair de voirs(creven)/ mielijs noch zijn erfgename(n) en sele(n) de voirsc(reven) want niet/ meer moege(n) co(m)m(er)en dan die nu es Bij welken de voirs(creven)/ p(ar)tie(n) rep(.)? pynnoc dormale dece(m)br(is) ii[a]