It(em) want tande(re)n tijden bij den rade vander stad overdrage(n) es geweest/ tusscen daneele vande(n) wairde he(re) vanden eyghene(n) en(de) van meerbeke/ die nae de heerlich(eit) ons gened(ichs) he(re)n en(de) den rechte zijnre stad van/ loven steet in alle de goede die wae(re)n vrouwe jehanne(n) wedue/ he(re)n jans wilen boxhoe(re)n ridd(er)s in deen zijde meest(er) janne van/ hasselt die op zijn huys geheten de lyelie gelege(n) inde dorpst(ra)te/ meer co(m)mers bevonde thien mudde(n) corens erfspachts die jan boxhoe(re)n/ naturlic d(air) aen hadde dan de comentscap tusscen hem en(de) der voirs(creven)/ vrouwe(n) en(de) oic de gelofte van wairscape die de selve vrouwe/ hem hadde gedaen inhadde en(de) begreep en(de) meer ande(re) poirte(re)n/ en(de) ingeseten(en) vand(er) stat van loven die(n) ind de selve vrouwe/ boxhoe(re)n van wetteger scout sculdich was bleven dair af zij/ vande(n) sel goede(n) vand(er) selver vrouwe(n) begeerden gelost te/ werden in dande(re) nae woirde en(de) weder woirde der voirs(creven)/ p(ar)tien dat de voirscr(even) daneel vande(n) goede(n) d(er) voirs(creven) vrouwe(n)/ uut machte van zijne(n) voirs(creven) brieve alsoe verre die verstringen/ conden vercopen soude [en(de) hem mette(n) selve(n) alsoe moegen behulpen] dat de voirs(creven) meest(er) jan van zijne(n)/ co(m)me(re) en(de) letsel en(de) dande(re) voirscr(even) ingeseten(en) van hue(re)n/ scouden ontlast en(de) ghecoelt soude(n) werden ende dair nae de/ voirs(creven) daneel met meest(er) janne come(n) es voir den rade vand(er)/ stad opdoende hoe dat hij sond(er) groete scade en(de) v(er)derffelijcke v(er)lies/ eegheen cooplude vinden en conde om nae volgende de voirscr(even)/ t(er)mi(n)atie de voirs(creven) goede te vercopen oft te belasten op dat de/ voirs(creven) meest(er) jan en(de) ande(re) voirg(enoemde) gelost mochte(n) werden/ beghe(re)nde want zij uut vlochtme(re)n verstaen hadden datme(n)/ de rente(n) [des voirs(creven) jan boxhoe(re)ns] elswair soude moegen bewijzen dat d(air) om de selve/ jan met zijne(n) brieve(n) voir oogen ontboden en(de) aengehoirt/ worden alsoe dat gesciet es en(de) nae dat de raet vander
//
stad aengehoirt heeft hoe dat de voirs(creven) daneel den voirs(creven) janne boxhoe(re)n/ p(rese)nteerde zijn voirs(creven) erfrente te bewisen op alle de goede van dielbeke met/ hue(re)r toebehoirte(n) die bleve(n) zijn nae dode der voirs(creven) vrouwe(n) boxhoe(re)n/ die welke alsoe hij meynde bove(n) alle(n) last voir de voirs(creven) rente(n) goet/ genoech wae(re)n ende de stad inde brieve des voirs(creven) jans boxhoe(re)n ope(n)/ bairlic bevonden heeft datme(n) de voirs(creven) rente(n) elswair op goede/ loflijcke pande inden lande van braba(n)t gelegen bewijsen mach ende/ dair mede lossen de pande nu dair voir staende desgelijcx/ oic hoe dat de voirs(creven) jan meynde mids zeke(re)n lasten die [hij] uute(n)/ goeden van dielbeke gaende opdede dat de selve goede niet goet/ genoech en wae(re)n om zijn voirs(creven) rente(n) dair op te bewisen seyde/ oic de selve jan dat hij hoepte dat derfgename(n) vande(n) voirs(creven)/ goede(n) van dielbeke die in deels leen zijn hem vestich(eit) souden/ moete(n) doen met alle tghene des zij in beide(n) zijde(n) meer/ seyden en(de) opdeden soe es ov(er)dragen inde(n) rade vand(er) stad/ met vollen gevolge evenverre de voirs(creven) goede van dielbeke/ bove(n) alle laste d(air) uut gaende bijden scepen(en) aldair om de voirs(creven)/ thien mudden core(n)s erffelic te moege(n) bewijsen op de selve/ goede genoech bevonden worden dat de voirs(creven) daneel uut/ machte van zijne(n) voirs(creven) scepen(en) brieve(n) in dien gevalle den voirs(creven)/ janne boxhoe(re)n zijn voirs(creven) thien mudde(n) corens op de selve goede/ van dielbeke bewijzen sal moegen actu(m) in pleno consilio julii/ iii[a]/