Item tvonisse tusscen janne eeben van berlair en(de) arnt eeben gielijs/ soen was die geleit sijn totten goeden jans eeben des jongen soen des/ voirscr(even) jans in deen zijde ende janne godevarts in dande(re) alse vand(er)/ haven hier na bescreven Te weten vier bedden met hue(re)n toebehoirten drie/ voeder hoys twee scrijnen viere zijdelen thien potten vier ketels sess ty(n)nen/ potten vier dosine scotelen drie vrouwen tabbarde drie ransschen een/ scapprye sess drievoeten een tritsoer twee becken veertich ellen lijnwaets/ It(em) de schout die men den selven janne sculdich was It(em) desgelijx van/ alle ande(r) haven die na den voirs(creven) janne eekens den jongen es bleve(n)/ de welke de voirsc(reven) geleide aenspraken meynende dat janne godevarts/ voirscr(even) hem die restitue(re)n soude Dair op de selve jan godev(ar)ts hem/ v(er)antwerdende seyde dat hij de selve have niet en hadde maer dat/ die te lyere stonde in een huys en(de) daer mochten de voirs(creven) geleide/ die aenveerden Es gewijst met desen worden datmen de voirs(creven) twee/ geleide van(der) voirs(creven) haven houden sal inde macht van hue(re)n beleide/ p(rese)nt(ibus) lomb(ar)t abs(oloens) pynnoc vynck voshem dor(ma)[le] de(cembris) xiiii