It(em) es vorwerde dat de voirs(creven) goedinge sal blive(n) liggen(de) ond(er) scepen(en)/ van loven(e) in d alsulker voegen dat de voirs(creven) joes de voirs(creven) guedinge/ niet wed(er)staende van opden vii[ten] dach van m(er)te nu naest comen(de)/ bynne(n) ene(n) jae(r) daer nae volgende [de voirs(creven) goede] sal moegen v(er)copen en(de) ten hoeghsten/ bringen en(de) janne van winxele betalingen doen van hondert en(de) xl liiii/ pet(er)s d(er) mu(n)ten ons gened(ichs) hee(re)n met gaders xiiii peters lijfpachts van ene(n)/ jae(r) staende ten live jans van winxele en(de) joncffr(ouwe) m(ar)grieten vand(er) balc/ sijnre huysvrouwen vallende van opden vii[sten] dach van m(er)te naestcomen(de)/ in eene(n) jae(r) op alsoe dat de selve jan en(de) m(ar)griete als voirs(creven) alsdan beide/ levende zijn Ende oft joes voirs(creven) janne voirscr(even) bynne(n) den voirg(eruerde) tijde/ gelijc voirs(creven) es betalinge dade soe salmen de voirs(creven) goedinge te nieute/ doen en(de) de goede den selven joese laeten volgen ende oft joes des/ niet en dade soe salmen deselve guedinge den selve(n) janne laete(n) volgen/ o(m)me de voirs(creven) goede en(de) sine nacomelin voe(r) hem en(de) sin nacomelinge(n)/he erffelic [te] hebben ende te besitten Behoudelijken in dien oft jan van/ winxele en(de) joncffr(ouwe) m(ar)griete sijn wijf beide bynne(n) den voirs(creven) tijde/ aflivich worden dat dan joes voirs(creven) vanden voirs(creven) honderde liiii en(de)/ xiiii pet(er)s ongehouden sal sijn Ende oic alsdan de voirg(eruerde) guedinge/ te nieute gedaen sal werden o(m)me de voirs(creven) goede joese voirs(creven) en(de) sine/ nacomelingen cor(am) eisde(m) te moegen volgen cor(am) eisd(em)