It(em) want maghtelt van huesden docht(er) henrix wilen van huesden/ die na den rechte d(er) stad van loven come(n) en(de) geleyt es tot allen de/ goede have en(de) erve des selfs henrix huers vad(er)s soe wair die/ belegen zijn op heden dach van recht hadde jegen diericken van/ langrode die als geleyt totte(n) goeden pet(er)s de wede(re) d(er) selv(er) magh(telt)/ ongebruyc dede aen alle de goede voirs(creven) en(de) de selve dieric tot/ dien dage niet comen en es de voirg(enoemde) maghtelt jegenwordichlic/ staende en(de) hue(r) recht versuekende Soe hebben de he(re)n scepen(en)/ van love(n) gewesen voir een vonnisse datme(n) d(er) voirg(enoemde) maghtelt/ in de voirg(eruerde) goede houde(n) sal in hue(re)n beleide alsoe verre dat/ noch voir hen come(n) es p(rese)nt(ibus) lomb(ar)t abs(oloens) pynnoc voshem dor(ma)le/ januarii xxi