Cond zij allen lieden dat collairt pierart van troingniez in p(rese)ncia scabinor(um) (et)c(etera)/ heeft genomen ende bekynt dat hij ghenome(n) heeft van jouffrouwen marien/ weduwe hubrechts willem van putchey een hof ghelegen te ha(n)nut in husen/ hoven wynnende landen beemden euselen ende ande(re)n zijnen thoebehoerten Te/ houden te hebben en(de) te wynnen van sinte m(er)tensmisse lestleden eenen t(er)mijn/ van vi jae(re)n lange deen nae dande(r) sonder middel volgende elx jaers/ dae(re)n bynnen te weten(e) van elken boender vanden voirg(eruerde) goede xix dosine(n)/ corens goet en(de) payabel der maten van ha(n)nut alle jae(re) sinte andries misse/ apostels te betalen(e) en(de) te ha(n)nut inde schuere te leveren der voirs(creven) jouffr(ouwe) marien/ te leve(re)n den voirs(creven) t(er)mijn due(re)nde quolibet ass(ecutu)[m] Item es vorwerde dat/ de voirs(creven) jan wynne alle jare den voirs(creven) t(er)mijn due(re)nde leve(re)n sal iiii[c]/ walme(re)n om de huysinghe vanden voirs(creven) hove mede te decken(e) Ende/ alsmen dien walm aldaer verdect soe sal de selve wynne den decke(re)n ende/ werclieden den montcost geven en(de) de voirs(creven) jouffr(ouwe) sal hem de dachue(re)n/ betalen Item oft men int voirs(creven) hof e(n)nichs ty(m)mers behoefde soe es/ vorwerde dat de voirs(creven) wynne drie ty(m)merlieden aldair werckende/ den montcost geven sal drie daghe lange en(de) niet mer en(de) de voirs(creven)/ jouffrouwe sal hen van den drie daghen de dachue(re)n betalen En(de) oft/ die ty(m)erliede dair meer dan drie dagen te doene hadden soe sal de/ voirs(creven) jouffr(ouwe) van dan voert op hue(re)n cost geheel moeten draghen/ Item es ondersproken dat de voirs(creven) wynne als men int voirs(creven) hof/ ty(m)mert sal moeten halen op zijne(n) cost en(de) last met sijne(n) wagen(en)/ en(de) p(er)den allet hout dat men inde voirs(creven) ty(m)meringen behoeve(n) sal/ dairt hem de voirs(creven) jouffr(ouwe) marie sal bewijsen de spaende(re)n vanden/ voirs(creven) houte comen(de) sal de selve wynne tot sijne(n) p(ro)fijte behouden/ en(de) verberren mair de cortelinghen dair af also verre als men/ dair af mudsaerden gemaken mach can sal de voirs(creven) jouffr(ouwe) marien/ behouden en(de) hue(r) p(ro)fijt dair mede te doene sonder den voirs(creven) wynne
//
dair inne yet gherich te sijne evenverre de voirs(creven) jouffr(ouwe) marie/ tvoirs(creven) ty(m)merhout bewijst te halen te putchey En(de) oft zijt elder/ bewese te halen dant te putchey soe sal de wynne alle den/ affal beide van spaende(re)n en(de) cortelingen vanden voirs(ceven) houde comen(de)/ alleene behouden en(de) t sijnen profijte alleene hebben sonder der voirs(creven)/ jouffr(ouwe) marien dair inne yet geacht te wesen Ende oft men/ int voirs(creven) hof e(n)nich out werc van groeten houte af brake dat/ sal der voirs(creven) jouffr(ouwe) alle thoebehoe(re)n en(de) de voirs(creven) wynne saelt/ hue(r) leve(re)n en(de) vueren dairt sijt sal willen hebben op zijne(n) cost/ mair ande(re) affal sal de voirs(creven) wynne behouden en(de) zijn p(ro)fijt/ dair mede doen Item es noch vorwerde dat de voirs(creven) wynne/ in afslage vander gheheelder so(m)men der voirs(creven) jouffr(ouwe) marien/ te betalen(e) ghelden en(de) betalen sal alle jae(re) te kersmisse janne andries/ soen van blochem vii mudden corens erfs pachts en(de) twee mudden/ corens erfs pachts aen jouffr(ouwe) oede weduwe ernolnts wilen jannot/ die sij jaerlijcx opde voirs(creven) goede heeft [en(de) dat] also in tijts dat de voirs(creven)/ jouffr(ouwe) marie noch heu(r) voirs(creven) goede dair bij egheen scade/ en lijden en(de) voert allen sijs uut den voirs(creven) goede gaende/ sal de selve wynne jaerlijcx moten betalen altoes in afslage/ vander so(m)men Ende om dat [de] voirs(creven) wynne dit also doen sal/ sal de voirs(creven) jouffr(ouwe) marie hem jaerlijcx geven ix dosijnen/ corens der maten voirs(creven) en(de) is noch gevorwert dat de/ voirs(creven) jouffr(ouwe) marie terdendeel van allen den peren inden/ voirs(creven) hove jaerlijcx wassen(de) hebben sal en(de) te hue(re)n profijte/ en(de) orber behouden en(de) niet eer meer En(de) alle dande(re)/ peren en(de) hofste sal de voirs(creven) wynne jaerlijcx hebben en(de)/ sijne(n) orber en(de) profijte behouden en(de) zijne(n) wille dair mede doen
//
Item es noch voirwerde dat de voirs(creven) wynne de huysingen vanden voirs(creven)/ hove houden sal op sijnen cost van wanden en(de) van lappen latten vytsen/ vander underster rykelen nederwert en(de) anders niet Item sal/ de voirs(creven) wynne de voirs(creven) lande alsoe bespaeyt laten ten afscheiden vanden/ voirs(creven) t(er)mijne als hij die vynt te sijne(n) aencomen Te weten den wynterart/ met wynter corren besaeyt en(de) de storte en(de) breke brake geheel Item/ want jouffr(ouwe) marie voirs(creven) den wynne leve(re)n sal te sijne(n) aencome(n)/ x grypen te x stuv(er)s stuc xi mudden corens en(de) de te weten de x grypen/ ende v mudden corens d(aer)af bynnen xiiii nachten naestcomen(de) en(de) de vi/ mudden d(aer)af naeden hoecht dair na volgen(de) en(de) oec xvii mudden/ gersten en(de) hondert lxxxvii schoeve(n) arweten en(de) hondert en(de) xlvii scoeve/ crocken ter stont te aenverden Soe es vorwerde dat de voirs(creven) wyn/ dat also wederleve(re)n en(de) betalen sal der voirs(creven) jouffr(ouwe) marien den/ lesten jae(r) vanden voirs(creven) t(er)mijne als vervolghende schout It(em)/ es noch vorwerde dat de voirs(creven) wynne int leste jaer vande(n)/ voirs(creven) t(er)mijn egheen stroe nocht mest uut den voirs(creven) hove/ vue(re)n mocht en sal mair dat gelijc [geheelijc] int voirs(creven) hof laten/ liggen behoudelic dat de selve wynne in redelicheiden opt/ leste jaer tot sinte mertensmisse toe sijn beesten dair af sal/ moghen vueden en(de) voerde(re)n py(n)noc do[r](ma)le martii x