Van reyne(r) cleynjans/ Tvonnisse tusschen den voirs(creven) reyne(re)n die nae de stad recht van loven(e) comen ende/ geleit is tot den goeden jans sgroten en(de) jouffrouwe lijsbethen syrenen sijns/ wijfs in deen sijde gheerde van haesbroeck en(de) robbrechte van coelen in dande(re)/ alse vanden goeden hier nae bescreven Ye weten(e) van drie dachmalen eeusels/ gelegen te cortenaken plaetsen geheten der sant naest den goeden lodewijcx/ lodewijcx en(de) de strate aldair Item van eenen halven boender eeusels gelegen/ aldair neven de strate en(de) neven der goeden der erfgename(n) wouters/ wilen van grypen vanden welken de voirs(creven) reyne(r) versochte en(de) begheerde/ gehouden te worden in sijnen beleyde Nae dien spraken de voirs(creven) geert/ en(de) robbrecht de voirs(creven) goeden aen seggen(de) dat jouff(rouwe) marie wilen/ geselle weduwe peters wilen van overbeke hen de voirs(creven) goeden in/ testamente gelaten en(de) gemaect hebben en(de) al en hadde sij hen die niet gelaten soe wae(re)n sij nochtan de naeste leven(de) vanden voirs(creven)/ goeden alse mo(m)bo(r)en hue(re)r wijven en(de) vander zijden dair die af der/ voirs(creven) jouffr(ouwe) marien Welke poenten sij boden te thoenen en(de) metten/ mynsten (et)c(etera) hopen(de) dair o(m)me dat hen de voirs(creven) goeden volgen selen/ en(de) sculdich zijn te volgen(e) oft dat zij met hue(re)n testame(n)te voerts/ vae(re)n selen [souden mogen] ter plaatsen dair dat behoerde Op dwelc de voirs(creven)/ reyne(r) hem verantwerden(de) seyde dat hem dat egheene ontstade/ doen en soude noch den voirs(creven) gheerde en(de) robbrechte te scade Nae/ dien dat de voirs(creven) jouffr(ouwe) marie egheen macht en hadde e(n)nich testame(n)t/ vanden voirs(creven) goeden te maken en dat zij oeck tot dien goeden niet/ geboertich en wae(re)n noch dat ny(m)mermeer bethoene(n) en souden mair/ het wae(r) waer dat wouter wijlen van vleesbeke de voirs(creven) goeden/ besat ten tijde als hij leefde alse sijn propere erve en(de) dair uut/ sterf alse uut zijnen erve en(de) na hem wouter van vleesbeke j/ de jonge zijn soen welc wouter de soen van wettighe suster hadde/ geheten jouffr(ouwe) lijsbeth weduwe wouters wilen de greve Welcke/ gehuysche een wettighe dochte(r) achter gelaten hebben geheten jouffr(ouwe)/ lijsbeth die wijf is jans de grote de naeste leven(de) vanden voirscr(even)/ goeden en(de) die den voirs(creven) brief te samen bekynt hebben en(de) dese poenten
//
boet de voirs(creven) reyne(r) te thoenen(e) met den mynsten (et)c(etera) Naeden welken/ de voirs(creven) p(ar)tien gewijst wae(re)n tot hue(re)n thoenissen ten dage van thoenen/ en thoenden de voirs(creven) gheert en(de) robbrecht niet mair de voirscr(even)/ reyne(r) thoende allet ghene des hij hem in sijne(n) verantwerden/ voirs(creven) hadde vermeten Alsoe dat dair nae de he(re)n scepen(en) van loven(e)/ gemaent sijnde vanden meye(r) wijsden voe(r) een vo(n)nisse nae aen/ sprake en(de) verantwerden der voirs(creven) p(ar)tien en(de) nae thoenisse des/ voirs(creven) reyners dat men den selven reyne(r) vanden voirs(creven) goeden/ houden soude inde macht van sijnen beleide alsoe verre dat voe(r)/ scepen(en) comen wae(r) p(rese)ntib(us) lombart py(n)noc voshem dor(ma)le junii ix