It(em) wout(er) tiechele(re) brud(er) heeft geloeft janne uut(er) helcht en(de)/ woute(re)n ghijsken sijne(n) wynne oft den ene(n) van hen bringe(r) des/ briefs te betalen(e) ene(n) t(er)mijn van drie(n) jae(re)n lang deen nae/ dande(r) sond(er) middel volgen(de) xxxvii(½) gulden pet(er)s d(er) mu(n)ten/ ons gened(ichs) he(re)n (et)t(cetera) Te weten tynganc m(er)te naestcomen(de)/ xii(½) pet(er)s d(aer) af tuutganc meye d(aer) nae volgende/ xii(½) pet(er)s d(aer) af en(de) tons(er) vrouwe(n) dage naestcomen(de) half/ oeghst dat d(aer) nae volght xii(½) pet(er)s d(aer) af en(de) alsoe/ voert telken t(er)m(in)e xii(½) pet(er)s tot dat de voirg(eruerde) tijt/ van drie jae(re)n leden en(de) verstreken sal sijn Met alsulker/ condicie(n) dat de voirscreven jan en(de) wout(er) den voirg(enoemde) woute(re)n/ tiechele(re) alle jae(re) den voirs(creven) termijn due(re)nde lever(re)n selen/ xxxvii(½) mudde(n) [corens] half gerste en(de) even(en) goet en(de) payabel der/ mate(n) van loven(e) alsulx als vand(er) thiende(n) van velthem en(de)/ van winxele toebehoe(re)nde den proefst van loven(e) jairlix come(n)/ sal En(de) es oic ond(er)sproeke(n) oft dair de voirs(creven) jan en(de) wout(er)/ den voirs(creven) woute(re)n tiechele(re) meer gel gersten en(de) even(en)/ geleve(re)n consten [dan die voirs(creven) xxxxvii(½) mudden] soe sal de selve wout(er) dat van hen/ moeten ontfangen en(de) aenveerde(n) elc mudde dair af voir/ ene(n) gulden pet(er)s te betalen(e) ten tijden en(de) termijne(n) voirscr(even)/ En(de) gevielt oic dat dair myn corens wae(re) dan xxxvii(½)/ mudde(n) voirg(eruert) soe selen de voirs(creven) jan en(de) wout(er) den voirg(enoemde)/ den voirg(enoemde) woute(re)n tiechele(re) afslach doen aen elc mudde/ die dair faute(n) sal vand(er) voirg(eruerde) so(m)me ene(n) gulden peter
//
Item es noch vorweerde dat de voirs(creven) wout(er) tiechele(re) tvoirs(creven)/ coren sal moeten on[t]fangen te winxele oft te velthem/ dair dat sal geboe(re)n en(de) des voirs(creven) jans gedeelte dair af/ op zijne(n) cost moete(n) doen halen En(de) de voirs(creven) wout(er) ghijsken/ sal zijn gedeelte [op zijne(n) cost] als de voirs(creven) wout(er) ten e(n)nige(n) vanden/ voirs(creven) plaetse(n) dat ontfange(n) sal hebben tot des selfs wout(er)s/ van lare huys te comen leve(re)n op zijne(n) co Inde su(n)t/ fideiusso(r)es d(i)c(t)i walteri thiechele(re) arnold(us) tiechele(re) eius frat(er)/ et arnoldus de kelfs tector scraminu(m) et p(ri)m(us) lombart/ voshem dece(m)br(is) xvi