It(em) want wout(er) van honsb(er)ge die geleyt es nae de(n) rechte vander/ stad van loven(e) totte(n) goede(n) lodewijx bruyninc en(de) roelofs vanden/ kerchove(n) op hede(n) hadde doen inne scrive(n) mett(er) stad brieve(n) van loven(e)/ laureyse van waenrode en(de) henricke vande(n) bossche met hue(re)n medeplichte(re)n/ die hem ongebruyc dede(n) aen alle de goede die gebleve(n) zijn nae dode/ h(er) lodewijx wijle(n) oliviers priest(er)s Tot welke(n) dage de voirs(creven) laureys/ en(de) henric met hue(re)n medeplichte(re)n niet come(n) en zijn soe hebben/ de he(re)n scepen(en) van loven(e) t(en) manisse(n) smeyers gewese(n) voir een vo(n)nisse/ datme(n) den voirs(creven) woute(re)n vande(n) voirs(creven) goede(n) houde(n) sal in zijne(n) beleide/ alsoe verre dat noch voe(r) scepen(en) come(n) es cor(am) eisd(em)