It(em) henric clissen geheten claes ende willem vand(er) haden geheten selkens in/ yegewoirdicheiden der scepen(en) van loven(e) gestaen heeft genomen ende/ bekent dat hij genomen heeft van meest(er) janne costechierens proefst/ vanden cloeste(r) van cortenberge de thiende geheten van assent assent/ inde prochie van campenhout den voirs(creven) cloeste(r) toebehoe(re)nde Te/ houden ende te hebben van sinte jansmisse dat sijn sal int jair ons/ he(re)n xiiii[c] en(de) lii neestcomende ene(n) t(er)mijn van xii jae(re)n lanc/ deen nae dander staphans sonder middel volgende elx elx jaers/ dae(re)n bynnen om xxv rijnsche gulden goet en(de) ghinge alle jae(re)/ deen heelicht dair af te kersmisse ende dand(er) helicht te sinte/ jansmisse baptisten te betalen den voirscr(even) proefst oft een maent/ nae elken t(er)mijn ombegrepen den voirscr(even) t(er)mijn due(re)nde quol(ibet) ass(ecutu)[m]/ Item es vorwerde dat de voirscr(even) thienden(er)s den voirs(creven) cloest(er)/ jaerlijx doen selen met hue(re)n wagen ende p(er)den die caerweyden/ uut hue(re)n beemden vanden halven steens tot int selve cloester/ cor(am) lombart absoloens decembris penult(ima)