It(em) vand(en) stoete ope(n)staen tusschen m(er)ten van schoe(re) in deen/ zyde gheerde van ertrike janne van cartselair in dande(re) alse/ vand(en) woirde(n) die de voirs(creven) p(er)sone opten voirs(creven) m(er)ten gesproke(n)/ hebben hem guetlijc aengegaen also hij meynt hebben hen/ de voirs(creven) p(ar)tien gekeert in segge(re)n te weten de voirs(creven) m(er)ten/ in janne scolle en(de) maese vand(en) mulstede en(de) de voirs(creven) ande(re)n/ in p(er)sone in goeder goerde ansoms en(de) janne van vertrike/ op also dat beyde p(ar)tien hue(r) bescheit den seggers mu(n)delinge/ opdoen selen bynnen viii d(agen) naestcomen(de) en(de) dat gedaen sele(n)/ de seggers de thoenisse(n) aenhoe(re)n en(de) hue(r) uutsprake doen bynne(n)/ viii dage(n) d(aer) naestvolgen(de) op dat sijs eens zijn en(de) oft zij des/ niet eens en sijn dat sij dan same(n)tlijc eene(n) ov(er)ma(n) kiesen/ selen de welke zijn uutstrake d(aer) af doen sal bynnen viii d(agen)/ d(aer) na p(ro)mitt(entes) rar(um) abs(oloens) voshem januarii tertia