Item alsoe katline saverneels es comen voe(r) den bourg(er)meester ende meer ande(re)/ vanden raede vander stad van loven(e) ende heeft begheert ende versocht datmen/ reyne(re)n roesele(re) die dair yegenwoirdich was bedwonge dat hij hue(r) v(er)nuegen soude/ soe van montcoste soe van juweelkens die hij van hue(r) hadde gedragende ter/ so(m)men van xx [xx] rijders Daer af dat de voirsc(reven) reyne(r) antwoirde dat leden wae(r) wel/ xl jair oft meer dat hij met hue(r) mangelinge hadde alsulke dair af zij hem/ heeft doen dagen te ludic ende daer af staen zij daer af int recht en(de) boet/ sijne(n) eet dat hij noyt vii maeltijde te hue(re)n huys en at met meer worden/ die elc vanden voirscr(even) p(ar)tien daer toe seyden Soe heeft de voirscr(even)/ bourg(er)meester uutgesproken voe(r) reden ende bescheyt dat dese saken vanden/ montcoste ende vander eysche vanden juweelkens berusten sal en(de) cesseren tot/ der tijt toe dat de voirscr(even) sake te ludic hangende ghesliten en(de) get(er)mineert/ sal wesen co(ram) burg(i)m(a)g(ist)ro et aliis de consilio act(um) xvii in januario/ anno xliii