It(em) philips van madeghen in deen zijde en(de) jan van/ raetshoven in dande(r) die tegen malcande(re)n dach van/ rechte op morgen [ghiste(re)n] hadden van zeke(re)n wairscape en(de) genoech/ doen dat de voirs(creven) philips den voirs(creven) ja(n)ne gedaen soude/ hebben vanden hove van sceplaken hebben dien dach/ v(er)linct en(de) uutgestelt tot op den yersten disendach na/ djairgedinge van sinte jans misse nu naestcomen(de)/ p(rese)nt(ibus) vync dor(ma)le maii xxii