Van woute(re)n goetels/ Het zijn comen te rechte inde banc te loven(e) wout(er) goetels/ die geleit es met scepen(en) brieve(n) van loven(e) totden goeden/ jans de hantsitte(re) soen pauwels wilen de hantsitte(re) vande(n)/ nabedde in deen zijde en(de) henric ghisels in dande(re)/ alse vande(n) eenen vie(re)ndeele der goeden hier na bescreven/ Inden yersten van ene(n) stucke lants geheten scriens acker gelegen/ te lille tusschen janne de becke(re) en(de) henricke coucole It(em) van/ ene(n) stucke erfs geheten den witten berch gelegen ald(aer) tusschen de/ goede jans van beerse en(der) den wech ald(aer) It(em) van enen dachmale/ beemps geheten den cro(m)men horst gelegen tusschen ja(n)ne van beerse/ en(de) woute(re)n goedens It(em) van ene(n) dachmale beemps geheten den/ rechten horst gelegen tusschen janne vande(n) broecke en(de) woute(re)n/ vande(n) lare It(em) van eenen stucke erfs geheten tgoerken gelege(n)/ op de lake tusschen henricke godevaerts en(de) henricke moerkens/ It(em) van ene(n) stucke erfs geheten theybloc houden(de) een boende(r) oft/ dair ontrent gelegen tusschen henricke v(er)coddonc en(de) pete(re)n/ v(er)coddonc aldair de voirs(creven) henrick tvie(re)ndeel vande(n) voirs(creven)/ goeden aensprack seggen(de) dat een geheten jan vande(n) vynne/ de voirs(creven) goede besat en(de) hantplichte alse sijn erve en(de) dat/ na sijn doot de drie deele vande(n) voirs(creven) goede(n) bleven/ wae(re)n op des selfs jans vande(n) vynne wijf die noch leefde/ Seyde voirts dat de voirs(creven) jan vande(n) vynne was wettich/ oem vande(n) wive des selfs henrix gisels en(de) dat hij als mo(m)boir/ sijns wijfs wae(re) de neeste leven(de) vande(n) vie(re)ndeele vanden/ voirs(creven) goede(n) Seyde oic de selve henric dat de voirs(creven)/ goeden comen wae(re)n vande(n) voirs(creven) wilen janne vande(n) vynne/ en(de) sijnen wive en(de) dat oude stocgoede wae(re)n en(de) dat/ de voirs(creven) pauwels hadde een wettige docht(er) van sijnen/ yersten wive en(de) dat die docht(er) langer leefde dan/ de voirs(creven) pauwels hue(r) vader en(de) de voirs(creven) poenten/ boet hij te thoenen metten minsten (et)c(etera) Hoepte dair
//
om dat hem tvie(re)ndeel vanden voirs(creven) goede(n) sculdich wae(r)/ te volgen en(de) des geliefde hen wale tvo(n)nis Dair op de/ voirs(creven) wout(er) hem v(er)antwerdende dede seggen dat jan vanden/ vynne voirs(creven) en(de) katline v(er)coddonc sijn wijf pauwels de/ hantsitte(re) en(de) lijsbeth sijn wijf docht(er) des voirs(creven) jans ende/ katline(n) de voirs(creven) geheel goeden v(er)cregen sitten(de) te samen in/ eene(n) huyse in enen broede in enen coepe in eend(er) wy(n)ningen en(de)/ verliese Seyde voirt de selve wout(er) dat de voirs(creven) pauwels/ en(de) lijsbeth sijn wijf hadden tsamen een wettige docht(er) geheten/ m(ar)griete en(de) dat de voirs(creven) lijsbeth en(de) hue(r) docht(er) aflivich/ wae(re)n worden en(de) dat de selve pauwels nam een and(er) wijf dair/ af dat hij hadde een wettich soen te weten den voirs(creven) ja(n)ne de/ hantsitte(re) die den voirs(creven) brief bekent heeft Seyde oic de/ selve wout(er) dat soe wes goede ind(er) voirs(creven) maten v(er)crigen worden/ dat die na der hoetbanc van santhove(n) dair de voirs(creven) goeden/ gelegen sijn sculdich wae(re)n te gaen te tween zijden en(de) dat tvie(re)ndeel/ vande(n) geheelen goeden voirs(creven) toebehoerde en(de) sculdich wae(re) te/ volgen den voirs(creven) pauwelse en(de) sijnen erfgenamen H(ier) na seyde/ voirt de selve wout(er) dat hen vremde dat de voirs(creven) henric/ tvoirs(creven) vie(re)ndeel aensprake na dat hem dat bij segge(re)n d(aer) inne/ zij hen v(er)bonden hadden aengeseeght was en(de) den voirs(creven) henricke/ afgeseeght Op welc seggen de voirs(creven) jan tgebruyc en(de) de hanteringe/ vande(n) voirs(creven) goeden hadde gehadt en(de) aenveert en(de) dat de voirs(creven)/ poenten wair wae(re)n boet de voirs(creven) wout(er) te thoenen metten mi(n)sten (et)c(etera)/ Na desen worden beyde de voirs(creven) p(ar)tien gewijst tot hue(re)n bethoene/ tot welken dage thoende de voirs(creven) henric met ii ma(n)nen dat/ de voirs(creven) jan vande(n) vynne en(de) sijn wijf tvoirs(creven) goet besaten ende/ hantplichten en(de) dat zij and(er)s niet en wisten voe(r) hue(r) beste/ conde dan dat hue(r) erve was en(de) dat de voirs(creven) pauwels/ des voirs(creven) jans en(de) sijns wijfs wettige docht(er) getroudt hadde ende/ dat de selve pauwels van sijnen wive een wittige docht(er) hadde/ d(aer) af hij als momboir sijns wijfs wae(r) de neeste leven(de) Tuyghden
//
voirt iii goede ma(n)nen segge(re)n tusschen den voirs(creven) henricke en(de)/ woute(re)n om des voirs(creven) vie(re)ndeels wille dat zij tvoirs(creven) vie(re)ndeel/ den voirs(creven) woute(re)n inden name van janne de hantsitte(re)/ aengeseeght hadden na den brief vande(n) voirraide vand(er)/ hoetbanc tot dat yemant bet(er) bescheet bijgebringen conde/ dwelc zij dan te henw(er)t hielden Na desen dede de/ voirs(creven) wouter goetels lesen eenen brief d(aer) af dat de/ tenu(r)e hier na volght Wij arnt ts(er)meys en(de) wouter/ van emeren ma(n)ne en(de) wijsers inden hove van santhove(n)/ doen cond ene(n)yegeliken met desen yegewordigen l(ette)ren/ dat comen es op een genechte tsanthove(n) in vold(er) vierschae(re)n/ v(er)sekeren(de) met enen borge van rechts wegen begheren(de)/ vo(n)nis en(de) voe(r)raed naden lantrechte en(de) nad(er) bancken/ recht van santhove(n) voirs(creven) wout(en) goetelen want jan/ vanden venne en(de) katline v(er)codden sijn wijf hadden/ een wettige docht(er) geheten lijsbeth die zij gaven/ pauwelse den hantsitte(re) tot enen wive en(de) dese voirg(enoemde)/ twe huwelijc saten te samen in ene(n) brode in ene(n) coepe/ en eend(er) familien in eend(er) wy(n)ningen en(de) in enen v(er)liese ende/ dese voirg(enoemde) pauwels en(de) lijsbeth hadden tsamen een/ wettige docht(er) geheten m(ar)griete en(de) d(aer) na soe es lijsbeth/ voirs(creven) en(de) hue(r) docht(er) gestorve(n) en(de) pauwels voirs(creven) gecreegh/ een and(er) wijf d(aer) hij bij gecreech wettige gebuerte hoe/ v(er)re dat pauwels na geboirte gericht sal sijn inde/ erfgoede die de twee huwelijc voirs(creven) tsame(n) v(er)cregen/ hebben in ene(n) brode in eend(er) wy(n)ningen en(de) gelijc dat voirs(creven)/ steet nad(er) bancken recht van santhove(n) want die na/ geboirte noch onder hue(r) jae(re)n es Die scouth(eit) van santh(oven)/ wout(er) van doirne diemen heet van sompeken maende/ tvonnis wijsde v(er)volgen(de) met vollen gevolge van ma(n)nen/ na hue(r) begheerte en(de) aenbrengen alzo v(er)re als hij can/ bethonen gelijc hij dat aenbrenght dat zij saten in eenen
//
cope in ene(n) brode in eend(er) wyningen gelijc dat voirs(creven) steet/ dat die erfgoede gaen selen in tween zijden half en(de) half/ Te weten die een helcht aen janne vande(n) verme en(de)/ sijnen wive en(de) dander helicht aen pauwelse den hantsitte(re)/ en(de) sijne wive en(de) want pauwels voe(r) wijf en(de) hue(r)/ geboerte aflivich es en(de) pauwels bij sijn na wijf oic geboirte/ heeft en(de) dat de na geboirte gericht sal sijn in vie(re)ndeel/ vanden erfgoede(n) al geheel die de twee huwelijc tsamen in/ eend(er) wyningen besaten En(de) want wij ma(n)ne en(de) wijsers/ voirs(creven) hier bij en(de) over geweest hebben dair dese voirs(creven)/ saken aldus met rechte geschiet sijn en(de) een vo(n)nis den voirs(creven)/ woute(re)n brieve heeft gewijst te hebben tsijnd(er) cost Soe hebbe(n)/ wij des in kinnessen d(er) wairh(eit) onse prope(r) seleg segele h(ier)/ aen gehangen xxiii dagen in mey veerthienhond(er)t veertich/ jair Hier na thoende de selve wout(er) goetels met/ goeden ma(n)nen dat de voirs(creven) jan vande(n) venne en(de) pauwels/ met hue(re)r beyder wive ind(er) maten hij in sijne(n) v(er)antwerden/ heeft v(er)claert de voirs(creven) geheel goede(n) tsamen v(er)cregen hadden/ Droegen voirt drie ma(n)nen van santhove(n) datmen na hue(re)r/ bancken recht met ii ma(n)ne(n) of wethoude(re)n goedde ende/ ontgoedde en(de) dat hue(re)r banc recht wae(r) tghene des/ den voirs(creven) brief inhoudt Thoende voirt de selve wouter/ met ii goede(n) ma(n)nen dat zij des voirs(creven) es voe(r) de segge(re)n/ getuyght hadden Droegen voirt de voirs(creven) segge(re)n dat zij/ de voirs(creven) getuygen en(de) oic den voirs(creven) brief gehoirt hadden/ en(de) dat zij d(aer) op hue(r) seggen geseeght hadden en(de) uutgesproken/ voir scepen(en) van lille d(aer) tv(er)bont oic voe(r) gesciede met/ welken seggen den voirs(creven) janne den hantsitte(re) tvie(re)ndeel/ vanden voirs(creven) geheelen goeden aengeseeght wae(re)n droegen/ oic ii scepen(en) van lille dat de voirs(creven) goede ond(er) hue(r)
//
lant gelegen wae(re)n en(de) dat de banc van santhove(n)/ hue(r) hoet wae(r) Na desen droegen noch ii goede/ ma(n)nen dat de voirs(creven) jan de hantsitte(re) wae(re)/ wettich soen vanden voirs(ceven) pauwels en(de) de naeste/ leven(de) vanden vie(re)ndeele vand(en) voirs(creven) goede(n) Mids/ den welken de voirs(creven) wout(er) goetels meynde int/ selve vie(re)ndeel gehouden te worden dair op/ de meye(r) maende de scepen(en) die wijsden voe(r)/ van vo(n)nisse datmen den voirs(creven) woute(re)n houden/ soude met sijnen beleide int voirs(creven) seggen/ alzo v(er)re dat voir scepen(en) comen wae(r) p(rese)nt(ibus)/ lomb(ar)t lye(ming)[en] abs(oloens) pynnoc vync voshem dormale/ junii xix