SAL7339, Act: R°258.1-V°258.1 (319 of 450)
Search Act
previous | next
Act R°258.1-V°258.1  
Act
Date: 1445-03-02

Transcription

2019-04-24 by Jos Jonckheer
Van clase vanden huffle/
Tvonnisse van clase vande(n) huffle die na der stad rechte va(n)/
loeven(en) geleidt es tot alle de(n) goede(n) oeden wilen van/
heddengnez in deen zijde en(de) willem(me) vande(n) veken(en) alse/
rintm(eeste)r ons gened(ichs) he(re)n tsh(er)toge(n) te geldenake(n) in dande(re) alse/
vande(n) goeden en(de) rente(n) hier na bescreve(n) Te weten va(n)/
viii dosijne(n) corens op huys en(de) hoff gont(ie)rs van/
heddengnez gelege(n) te geldenake(n) tussce(n) de(n) wech ald(air)/
en(de) de(n) goede(n) jaq(ue)mijns marike It(em) van (½) dach(mael)/
lants gelege(n) tusscen de(n) wech gaende van autregl(is)e/
te geldenake w(er)t en(de) de goede tscloest(er)s vand(er) rameyden/
It(em) van vii g(ro)te roede(n) lants viertschoef d(air) den/
wech doir gheet va(n) ghete ter rameye(n) w(er)t tussce(n)/
ja(n)ne gilchon en(de) jaq(ue)mijn makrijke It(em) van vi/
g(ro)te roede(n) lants gelege(n) tussce(n) de(n) wech strecken(de) van/
heddengnez t(er) plaetsen gehete(n) groigna? en(de) de goede/
jans gilchon welke goede voirs(creven) de voirs(creven) rintm(eeste)r/
aensprac meynende wa(n)t de voirs(creven) wile(n) oede die/
te besitte(n) plach en(de) na huer doot come(n) ware(n) bij/
machte van scepen(en) br(ieven) van loeven(en) op willem(me)/
en(de) marie(n) parijs na(tuer)lijc kindere der vors(creven) oeden met/
condicie(n) oft e(n)nich van hen sond(er) wettich oer aflivich/
worde dat die dan soude v(er)sterve(n) opte(n) ande(re)n lanxste/
levende en(de) dat de voirs(creven) marie voir en(de) willem(me) na/
sond(er) wettich oer aflivich ware(n) soe hoepte hij dat/
de selve goede na de(n) lantrechte tons gened(ichs) he(re)n/
behoef op he(m) v(er)storve(n) ware(n) behoudelijc de(n) voirs(creven)/
clase zijn tocht in deen helicht vande(n) voirs(creven)/
goeden die hij he(m) kinde alse man en(de) momboir der/
voirs(creven) wile(n) marie(n) Dair jege(n) de voirs(creven) clase alleg(er)de/
alrehande redene(n) en(de) ond(er) den ande(re)n seyde wa(n)t/
inde(n) beleide voirs(creven) besproke(n) was dat hij metter voirs(creven)
//
marien sijne(n) wive alse de voirs(creven) goede te moegen/
behouden des hij hem totten selve(n) brieve(n) gedroege dat/
hij d(air) o(m)me inde voirs(creven) geheel goede sculdich ware/
te blive(n) Was gewijst met desen woirde(n) na aensp(ra)ke/
v(er)antw(er)de(n) thoenesse en(de) inhoudt vande(n) voirs(creven) brieve(n)/
datme(n) de(n) voirs(creven) clase houde(n) sal in sijne(n) beleyde van/
de(n) voirs(creven) goeden also v(er)re dat noch voir hen come(n)/
ware p(rese)ntib(us) py(n)noc rijke witte ov(e)wynge vynck(enbosch)/
lyntre iunior marcii s(e)c(un)da
ContributorsWalter Winnelinckx
Moderated byWalter Winnelinckx
Last update: 2016-11-17 by Jos Jonckheer