It(em) jannes de hane geheten van couthem en(de) henric van holsbeke/ van willebringen in p(rese)ncia hebben genome(n) ende bekint dat zij/ genome(n) hebben ongesond(er)t en(de) onv(er)scheyden en(de) elc voir al van arnde/ van coelen alsulken viertschoef en(de) pachtlant alse de voirs(creven) arnt/ heeft te vertrijke ende dair omtrent alsoe verre willem van/ coelhem dat tot heertoe gehouden heeft te houden en(de) te hebben/ van halfmerte neestcomen(de) ene(n) t(er)mij(n) van xii ja(r)en lang eenp(er)lic/ volgende Elcx jaers dae(re)n bynnen om sesse mudde corens/ pachts van vertrijke en(de) een mudde tarwen elcx goet en(de) payabel/ der mate(n) van loeven(en) sente andriesmisse te betalen ende te loeven(en)/ te levere(n) quol(ibet) ass(ecutu)[m] Item es vorweerde dat de voirs(creven) jannes/ en(de) henric wel en(de) getruwelic in heffen selen alle tsijse cleyn/ ende groet die de voirs(creven) arnt heeft tot vertrijke en(de) d(air) omtrent/ en(de) die den selve(n) arnde jairlijx te jaermisse uutgenome(n) dat/ zij voir dinhalen van dien selen hebben ende he behouden alle/ alsulken pe(n)ninge brode hellinge en(de) (½) capuyne alse daer toe/ behoeren Bij alsoe dat zij den tsijs des voirs(creven) arnts die hij ald(air)/ vande(n) goeden sculdich es kuelen selen ende alst geboert dat de/ gronde d(air) af de voirs(creven) arnt gronthe(re) es verthiert worden selen
//
de voirs(creven) jannes en(de) henric tpontgelt daer af in heffen ende/ den voirs(creven) arnde daer af genoech doen Ende soe wa(n)neer zij de/ voirs(creven) leveringe doen selen salmen hen den cost en(de) hue(re)n p(er)den/ hoy geven cor(am) vynck(enbosch) lyntre iu(n)ior ap(ri)lis qui(n)ta vide(licet) feria/ secu(n)da p(ost) quasi mo(do)