It(em) willem vanden hove van werchte(r) met co(n)sente en(de) wille/ h(ere)n wout(er)s van assche met behoirlijc gemechticht va(n) wege(n)/ des goidsh(uys) en(de) der porte(n) van viler heeft uutgegeve(n)/ en(de) v(er)huerdt arnde vande(n) velde en(de) janne van arscot de/ goede hier na bescreve(n) Te wete(n) inde(n) yerste(n) een/ stuc beemts houdende viii(½) boender gehete(n) tdem(er)broeck/ It(em) een eeussel gehete(n) tgroet eeussel houden(de) iiii boend(er)/ It(em) een eeussel gehete(n) thaenwijc eeussel It(em) iii lib(ra)/ loeve(n)sche die art lobbe jaerlijcx sculdich es vande(n)/ beemde gehete(n) de beere(n)donck welc goede [en(de) tsijse] gelege(n)/ sijn te werchte(r) en(de) de voirs(creven) wille(m) sijne(n) leefdach lang/ vande(n) goidshuse van viler voirs(creven) in pechti(n)ge(n) houden(de) es
//
Te houde(n) en(de) te hebbe(n) also lange als de voirs(creven) willem/ leve(n) sal elcx jaers om lxxviii guld(en) rijnsche alle jare/ te betalen deen helicht ts(in)te m(er)tens misse en(de) dand(er) helicht/ te liechtmisse den goidsh(uyse) van viler also dat de voirs(creven) alle jare [also lange]/ alse de selve wille(m) sal leve(n) [na begrijp] quol(ibet) ass(ecutu)[m] It(em) heeft/ de voirs(creven) wille(m) met co(n)sente des voirs(creven) goidsh(uyse) de(n) voirs(creven)/ ii p(er)sone(n) noch verhuerdt de goede hier na bescreve(n)/ Te wete(n) eene(n) beemt gehete(n) de(n) rosbeemt gelege(n)/ te werchte(r) aen de voirs(creven) iiii boende(r) houde(n)de/ omtrent ix dach(mail) Te houde(n) en(de) te hebbe(n) va(n)/ halfm(er)te lestlede(n) eene(n) t(er)mij(n) van vii jare(n) lang/ deen na dand(er) sonder middel volgende elcx jaers/ om en voe(r) een so(m)me gelts d(air) af de voirs(creven) willem/ hem bekint heeft volcomel(ic) genoech gesciet zij(n)de/ midts d(er) so(m)me(n) gelts die de voirs(creven) ii p(e)sone(n) va(n)/ wege(n) des voirs(creven) willems aen janne ute(n) hove/ gehete(n) zedele(re) bet(alen) selen Bij also oft de/ hueringe vanden selve(n) rosbemde bi(n)ne(n) de(n) voirs(creven)/ tide meer gedroege dan de so(m)me gelts die de/ de voirs(creven) ii p(er)sone mette(n) co(m)me(r) d(air) op loepen(de) aen/ ja(n)ne betalen sele(n) dat zij hem die ov(er)bate te(n)/ eynde vande(n) voirs(creven) t(er)mijne oplegge(n) en(de) betale(n) selen/ En(de) alle dese vorw(er)de(n) hebbe(n) geloeft (et)c(etera) rijke lyntre/ maii xii