Wij jaspar absoloens ende arnt van vynckenbosch scepen(en) van loeven(e)/ doen cond eenen yegeliken die dese l(ette)ren selen zien oft hoere(n) lesen dat voir ons/ comen ende gestaen zijn de edele ende moegende jonch(e)r jan heere tot wesemale/ ende van phalays erfmairscalc van brabant (et)c(etera) ende jouffr(ouwe) johanne van bouchout/ medegesellinne des voirs(creven) jonch(e)r(e)n jans kinnende ende lijdende openbaerlijc dat zij/ bij onderwijse ende middele van hueren vrienden in beyden zijden met malcanderen/ moets willen ende wel bedacht overcomen sijn ende verdragen hebben de poente(n)/ hier na bescreve(n) gestentichlijc ende onverbrekelijc tonderhouden ende na te volgen/ Inden yersten alse vanden stoete tusscen den voirs(creven) jonch(e)r(e)n janne en(de) jouffr(ouwe) johanne(n)/ wesende vander groetheit der sommen die de voirs(creven) jouffr(ouwe) meyndt dat zij na/ inhoudt van eenen tractate tusscen hen voirmaels gemaect hebben soude en(de) van/ hueren goeden voir uut moegen nemen om die tot hueren wille te bekeere(n) d(air)/ af de voirs(creven) jonch(e)r jan ende jouffr(ouwe) johanne discorderen in dien dat de voirs(creven)/ jonch(e)r seeght dat es viventwintich hondert rijders ende de voirs(creven) jouffr(ouwe) meyndt/ dat wezen soude dertich hondert rijders Es tusscen de voirs(creven) p(ar)tien geappointeirt/ ende overdragen datmen aenhoeren sal op tvoirs(creven) gescille vander so(m)men de/ ghene die over tvoirs(creven) tractaet waren ende d(air)af te spreken weten ende wes zij/ dair af vercleren en(de) uutspreken datmen dat alsoe sal navolgen en(de) dat elc vande(n)/ voirs(creven) p(ar)tien d(air)mede content ende te vreden sal wezen Item om dat de voirs(creven) jouffr(ouwe)/ johanne tot der voirs(creven) so(m)men moge comen ende dat zij met den huere(n) doen mach/ des huer gelieft mids seke(re)n merckelijke(n) redene(n) alsoe zij seecht huer dair toe/ vernerende Soe es overdragen en(de) bij den voirs(creven) jonch(e)r ende jouffr(ouwe) gesloten/ dat de selve jouffr(ouwe) soe eer soe bat vercoepen sal ende ten hoechsten bringe(n)/ dat zij can alle ende yegewelke goede van huerre zijden gecome(n) het zijn/ leene eyghen oft chijsgoede tot wat plaetsen ende steden die inden palen tslants/ van brabant moegen sijn gelege(n) uutgenomen tdorp oft tgoet van loenhoudt/ met allen sijne(n) toebehoirte(n) die goede gehete(n) van relegem ende va(n) pope(n)donck/ desgelijcx de manscapen van santhoven en(de) van beerze met huere(n) toebehoirte(n) die/ de voirs(creven) jouffr(ouwe) johanne behouden zal moegen oft huer gelieft ende laten na huer/ doot sonder bij huer oft andere(n) gelt pe(n)ninge renten oft p(ro)fiten d(air)af genomen te/ worden wien zij wille Bij alsoe dat zij die selve goede hier voire uutgenome(n)/ niet laten en sal moegen daneele noch janne van bouchout noch huere(n) erfgename(n)/ maer besorgen met behoeffelike(n) wegen en(de) remedie(n) dat die in huere(n) handen/ noch huerre(n) erfgename(n) niet comen en selen Ende oft der voirs(creven) jouffr(ouwe) genuechde/ de voirs(creven) goede van loenhout van relegem van popendonck de manscapen van/ santhoven oft van beerse samentlijc oft e(n)nige dair af bezunder te vercoepe(n) dat/ sal de selve jouffr(ouwe) moegen doen op dat zij wilt en(de) anders niet gelijc dand(er)/ goede voirs(creven) hier inne besproken ende versien dat de selve jouffr(ouwe) vande(n) voirs(creven)/ hueren goeden die inder voirs(creven) mate(n) vercocht selen worden yerst veylen ende/ vercoepen sal alsoe verre zij dat vuechlijc sonder huer achterdeel gedoen can/ de leengoede Ende oft e(n)nige chijsgoede oft eygen goede vercocht worden d(air) af/ sal tgelt come(n) ende gestelt worden in handen van jacoppe uute(n) lyemi(n)ge(n)/ jacoppen de gruyte(re) wout(er)en van laethem jannese vanden hove en(de) arnold(e) kyp/ secretar(is) d(er) stad van loeven(e) ende dair berusten tot dat de leste leengoede/ d(er) voirs(creven) jouffr(ouwe) uutgenome(n) loenhout releghem popendonc zanthove(n) ende/ beerze vercocht selen wezen Also dat de voirs(creven) jonch(e)r jan noch jouffr(ouwe) joha(n)ne/ / tvoirs(creven) gelt vanden chijsgoeden alsoe in handen der voirs(creven) p(er)sone(n) staende negheenssins/ en selen moegen hebben voir aen der tijt dat alle de leengoede die bove(n)/ niet uitgenomen [en] sijn vercocht selen wesen het en ware dat hen beyden same(n)tlijc/ ende eendrechtelijc geliefde dat gelt te trecken en(de) selve in huere(n) handen/ te nemen Ende oft de voirs(creven) jouffr(ouwe) jehanne aflivich worde eer alle de selve/ leene vercocht ware(n) soe selen den voirs(creven) jonch(e)r(e)n janne [of den ghene(n) die hem geliev(en) (sal)?] alsdan volghen tgeheel/ gelt alsoe vanden vercoepen der voirs(creven) chijsgoede oft eygen goede gecomen alsoe/ v(er)re zijs samentlijc niet getogen en hadden en(de) desgelijcx alle de goede d(er) voirs(creven) jouffr(ouwe)/ hoedanich die zijn alsoe v(er)re die alsdan onv(er)cocht selen worden bevonden/ uutgenomen loenhout releghem popendonc santhove(n) en(de) beerse met hue(re)n/ toebehoirten voirs(creven) alse sijn goede sonder ind(er) voirs(creven) jouffr(ouwe) schout gehoude(n)/ te wesen dair af den voirs(creven) jonch(e)r [behoirlike vesticheit sal worden gedaen] Ende inden gevalle dat de voirs(creven) jonch(e)r/ jan voir der voirs(creven) jouffr(ouwe) aflivich worde ende tgelt vanden chijsgoeden/ ende eygen goeden in handen der voirs(creven) p(er)sonen noch stonde dat dan/ tselve gelt des voirs(creven) es niet wederstaende met der erflicheit vanden selve(n)/chijsgoeden ende eygen goeden onv(er)cocht sijnde volgen sal der voirs(creven) jouffr(ouwe)/ johannen als huer have [goede] sonder midts dien in des voirs(creven) jonch(e)r(e)n schouden/ gehouden te wesen Ende soe welken tijt de voirs(creven) jouffr(ouwe) jehanne alle de/ voirs(creven) goede die zij gelijc voirs(creven) es vercoepen sal oft mach oft e(n)nige vand(en)/ selven goeden vercocht sal hebben sal sij die comescapen cundigen den/ voirs(creven) jonch(e)r(e)n janne tot westerle ende te phalays te dien eynde dat/ de selve jonch(e)r die voir den vercochten prijs oft hem gelieft aenveerde(n)/ ende behouden sal moegen oft oec eene(n) anderen die om de selve/ goede meer geve(n) woude overgeve(n) ende doen volgen Behoudelijc/ dien dat de selve jonch(e)r jan d(air) af der voirs(creven) joffr(ouwe) sal betalen en(de)/ voldoen oft doen betalen ende voldoen binne(n) xiiii nachte(n) na dat zij de/ voirs(creven) comescape den voirs(creven) jonch(e)r gecondicht sal hebben en(de) de guedi(n)ge/

gesciet sal wesen de helicht vanden gelde ende vorwerden dat die voirs(creven)/ jouffr(ouwe) die vercocht sal hebben en(de) dand(er) helicht met tgeven des de voirs(creven)/ jonch(e)r die meer soude moge(n) vercoepen sal volge(n) den selven jonch(e)r/ janne om elken van hen tsijne te bekeeren dairt hen gelieven sal om welke/ comescapen te vestigen aen de coep(er)en die die aenveerden selen sal de voirs(creven)/ jonch(e)r jan leenen en(de) doen handt en(de) mont alsoe dat de coep(er)e d(air)af/ verwaert sal sijn sonder dat de selve jonch(e)r hem d(air) inne yet verbinde(n)/ oft belasten sal Ende alse vande(n) goeden die jannes amman nu t(er) tijt/ jegen der voirs(creven) jouffr(ouwe) vercregen heeft es vorw(er)de en(de) tussce(n) den voirs(creven)/ jonch(e)r en(de) jouffr(ouwe) ondersproken dat elc van hen d(air)af sal trecken/ in gereeden pe(n)ningen vijfhondert rijd(er)s En(de) wes de selve goede meer/ ghelden dat sal der selver jouffr(ouwe) johanne(n) volge(n) in afcortinge(n) vand(en)/ voirs(creven) viventwintich oft dertich [hondert] rijd(er)s En(de) oft huer dan d(air)af noch ge/ brake en(de) sij tot dier so(m)men niet en quame soe sal sij des voirs(creven) es/ niet wed(er)staende dat gebrec voir uut heffen aen en(de) vande(n) yersten/ / leengoede die sij vercoepen sal Voirtane es tusscen de voirs(creven) p(ar)tien v(er)drage(n)/ want de voirs(creven) jouffr(ouwe) jehanne tvoirs(creven) goet van loenhout op dat zij wilt/ behoude(n) sal moegen en(de) de voirs(creven) jonch(e)r jan de helicht vande(n) co(m)mer d(air)/ uut gaende van s(in)t jansmisse naestcomen(de) voirtane drage(n) sal moete(n) na/ inhoudt vande(n) voirs(creven) tractate voirmaels tussce(n) hen gemaect Soe sal de/ voirs(creven) jonch(e)r jan na dat de voirs(creven) jouffr(ouwe) de voirs(creven) so(m)me van xxv of xxx[c]/ rijders volhave(n) sal hebbe(n) ind(er) maniere(n) voirs(creven) oec d(air)enteynden voir uut/ hebbe(n) en(de) te hemw(er)t trecken vande(n) leengoeden dieme(n) vercoepen sal/ alsoe vele gelts als gedreecht de helicht vander werden vanden moere/ te loenhout gelegen dwelc den voirs(creven) jonch(e)r(e)n janne toebehoirde na den/ voirs(creven) yersten tractate En(de) die so(m)me sal staen ter taxacie(n) van jacoppe/ ute(n) lyemi(n)gen jacoppe(n) de gruyte(re) woute(r) van laethe(m) jannese vand(en) hove/ en(de) arnold(e) kyp die na dat zij informacie vand(er) weerden vand(en) moere/ voirs(creven) na huer beste vernomen selen hebbe(n) d(air) af uutsprake en(de) grotinge/ doen selen En(de) oft die so(m)me alsoe bij den voirs(creven) p(er)sone(n) gegroetst myn/ gedroege dan xxv rijd(er)s dat gebrec sal de voirs(creven) jonch(e)r jan heffen/ aen tgelt dat den voirs(creven) jonch(e)r en(de) jouffr(ouwe) uutsteet vanden goeden/ van ghistele in vlaende(re)n gelege(n) Item sijn de voirs(creven) p(ar)tien voirt ov(er)come(n)/ en(de) heeft de voirs(creven) jonch(e)r jan geconsenteert dat de voirs(creven) jouffr(ouwe) onge/ houden sal sijn vanden refectien vanden huysen en(de) goeden die zij inden/ voirs(creven) yersten tractate geloeft hadde te houden Item voirtane es bij den/ selven p(ar)tien ov(er)come(n) dat de voirs(creven) jouffr(ouwe) johanne huere(n) leefdach lang/ aenveerden sal en(de) behoirlijc doen houden ende wercken custbaerlijc den/ wijngaert des voirs(creven) jonch(e)r jans gelegen te berchem in goeden state gelijc/ andere p(ar)tien dair omtrent doen selen bove(n) ende beneden sond(er) argelist en(de)/ des sal sij hebben de twee deele vande(n) wijne d(air) op wassende en(de) jonch(e)r/ jan tderdendeel Na desen es noch tusscen de voirs(creven) p(ar)tien bevorwerdt/ en(de) bij den voirs(creven) jonch(e)r(e)n janne [ne] geconsenteert al eist alsoe dat tvoirs(creven)/ yerste tractaet in eene(n) poente begrijpt dat de voirs(creven) jouffr(ouwe) huere ende/ huerre moeder schout alsoe betalen sal dat mijn jonch(e)r noch sijn goede/ daer voe(r) niet belast en soude(n) worde(n) dat nochtan de voirs(creven) jonch(e)r/ huer noch hue(re) goede met dier geloften niet prame(n) en sal om dat/ te doen volschien vanden goeden van huers vaders wegen gecome(n)/ maer dat die gelufte stad g(ri)pen sal over de goede gecome(n) vand(er)/ zijden va(n)der moed(er) der voirs(creven) jouffr(ouwe) jehanne(n) Te wete(n) vande(n) goede(n)/ van ghistele alsoe verre die in huere(n) hande(n) selen comen [It(em) es tussce(n) de selve p(ar)tien noch besproken en(de) overgegeven dat de voirs(creven) jonch(e)r jan hebben sal tot sijnen vryen wille te beke(re)n thuys gelegen te bruessel inde p(ro)chiaen strate bij also dat m jonch(e)r jan den co(m)mer d(air) af also cuelen sal dat de goede d(er) voirs(creven) jouffr(ouwe) d(air) voe(r) onderpant sijnde d(air) af ombelast selen bliven]/ Item om deswille dat ten laste der voirs(creven) jouffr(ouwe) hue(r) goede van wege(n)/ ons gened(ichs) he(re)n des h(er)togen van brabant beslagen sijn voir gebrec van heerge/ weden datme(n) d(air)af es eysschen(de) en(de) oec namaels om gelijken saken oft ande(re)n/ minderen oft meerdere(n) van wyen dat ware beco(m)mert mochten worden/ dat goet verhuedt ware Soe sal de voirs(creven) jonch(e)r jan gehoude(n) sijn der/ voirs(creven) jouffr(ouwe) dair af ter handt te stane gelijc oft sijns selfs sake ware/ / ter goed(er) meyni(n)gen alst noet es ende behoeft als hij des van huere(n) wege(n)/ versocht sal wesen ende dat den coste en(de) laste der voirs(creven) jouffr(ouwe) johanne(n)/ het sij van heergewede(n) andere(n) scouwen oft saken d(air) inne zij oft de/ selve goede gehoude(n) mochte(n) sijn uutgenomen dat sij ongehoude(n)/ sal sijn en(de) blive(n) van alsulke(n) montcoste oft teeringen als de voirs(creven)/ jonch(e)r jan en(de) de sijne d(air) o(m)me int vervolge(n) doen selen En(de) op/ dat de voirs(creven) poente bij de(n) voirs(creven) p(ar)tien en(de) elke(n) van hen dien/ dat aencleeft volcomelijc nagevolcht moge worden sond(er) d(air)inne/ e(n)nich gebrec te vallen hebben de selve p(ar)tien dinhoudt van dese(n)/ geconsenteert ende geloeft te voldoene tallen tiden als deen de(n)/ anderen d(air)toe v(er)mane(n) ende v(er)sueke(n) sal [bij hen selven en(de) ande(re)n des mechtich zijnde na den rechte] Behoudelijc oec in dese(n)/ dat alle en(de) yegewelke voirw(er)den tussce(n) den voirs(creven) jonch(e)r(e)n janne/ en(de) jouffr(ouwe) johanne(n) voirtijde(n) gevesticht d(air)af de co(n)trarie in desen/ brieve niet begrepen en es bij expresse stad en(de) macht gripe(n)/ selen sonder met desen geminct te sijne en(de) al sond(er) argelist/ no(vem)[br(is)] xii